225 കിലോ കഞ്ചാവ് കാറിൽ കടത്തിയ കേസിൽ ഒന്നാം പ്രതിക്ക് 36 വർഷം കഠിനതടവ്. ഗുണ്ടാ നേതാവും നിരവധി ലഹരിക്കേസുകളിൽ പ്രതിയുമായ പെരുമ്പാവൂർ സ്വദേശി അനസിനെയാണ് എറണാകുളം ജില്ലാ കോടതി ശിക്ഷിച്ചത്. രണ്ടും മൂന്നും പ്രതികൾക്ക് 12 വർഷം ശിക്ഷയും വിധിച്ചു. 2012 നവംബർ 8നാണ് അങ്കമാലി കറുകുറ്റിക്ക് സമീപം രണ്ട് വാഹനങ്ങളിലായി കടത്തിയ 225 കിലോ കഞ്ചാവ് പോലീസ് പിടികൂടിയത്. വാഹനം നിർത്താതെ രക്ഷപെടാൻ ശ്രമിച്ചപ്പോൾ പ്രതികളെ ഏറെ സാഹസികമായാണ് കീഴ്പെടുത്തിയത്. ഒരു വാഹനത്തിൽ 25 കിലോ കഞ്ചാവും അടുത്ത വാഹനത്തിൽ 100 പൊതികളിലായി 200 കിലോ കഞ്ചാവുമാണ് ഉണ്ടായിരുന്നത്.
previous post