വായ്പ മുഴുവൻ തിരിച്ചടച്ചിട്ടും കരുവന്നൂർ ബാങ്കിൽ നിന്ന് ആധാരം തിരികെ ലഭിച്ചില്ലെന്ന ഹർജിയിൽ ഹൈക്കോടതി ഇടപെട്ടു. ആധാരം തിരികെ നൽകാൻ ഇ ഡിക്ക് അപേക്ഷ നൽകാൻ കോടതി നിർദ്ദേശിച്ചു. തൃശ്ശൂർ സ്വദേശിയായ ഫ്രാൻസിസ് എന്നയാളാണ് ഹൈക്കോടതിയിൽ ഹർജി നൽകിയിരിക്കുന്നത്. തൻ്റെ ഭൂമി വച്ച് രണ്ട് ലോണുകൾ എടുത്തിരുന്നു. രണ്ട് ലോണുകളും തിരിച്ചടച്ചിട്ടുമുണ്ട്. എന്നാൽ ആധാരം തിരികെ ലഭിച്ചിട്ടില്ല. ബാങ്കിൽ ചോദിച്ചപ്പോൾ ആധാരം ഇ ഡി കൊണ്ടുപോയിരുന്നു എന്നാണ് മറുപടി ലഭിച്ചത്. ഇ ഡിയുടെ വിശദീകരണം കോടതി തേടിയിരുന്നു. മൂന്നാഴ്ചക്കുള്ളിൽ ഇ ഡി തുടർനടപടി സ്വീകരിക്കണമെന്നും നിർദ്ദേശമുണ്ട്.
previous post