തിരുവനന്തപുരം അൺ എംപ്ലോയീസ് സോഷ്യൽ വെൽഫെയർ സൊസൈറ്റി തട്ടിപ്പിൽ മുഖ്യമന്ത്രിക്കും സഹകരണ വകുപ്പ് മന്ത്രിക്കും നിക്ഷേപകർ പരാതി നൽകി. ഡി ജി പിക്കും സഹകരണ രജിസ്ട്രാർക്കും ഉടൻ പരാതി നൽകും. 60ഓളം ആളുകളാണ് പരാതിയുമായി മുന്നോട്ടുവന്നിരിക്കുന്നത്. 150 പേരുടെ 13 കോടിയോളം രൂപ തട്ടിയെടുത്തു എന്നുള്ള ഒരു ആരോപണമാണ് അവർ ഉന്നയിക്കുന്നത്. നടത്തിയ പ്രതിഷേധങ്ങൾ ഒന്നും തന്നെ ഫലം കാണാത്തതിൻ്റെ പേരിലാണ് അവർ ഇത്തരത്തിലൊരു നീക്കം നടത്തുന്നത്.