കൊല്ലം പുനലൂരിൽ എയ്‌ഡ്‌സ്‌ പരത്തണമെന്ന ഉദ്ദേശത്തോടെ 10 വയസുകാരനെ പ്രകൃതി വിരുദ്ധ പീഡനത്തിന് ഇരയാക്കിയ പ്രതിക്ക് 3 ജീവപര്യന്തവും 22 വർഷം കഠിന തടവും. പുനലൂർ ഫാസ്റ്റ് ട്രാക്ക് സ്പെഷ്യൽ കോടതിയാണ് ശിക്ഷ വിധിച്ചത്. 2020ലാണ് സംഭവം നടക്കുന്നത്. പത്തുവയസുകാരൻ്റെ ബന്ധുക്കളും മാതാപിതാക്കളുമായി അടുത്ത ബന്ധമാണ് പ്രതിക്ക് ഉണ്ടായിരുന്നത്. ഈ പരിചയം മുതലാക്കിയാണ് ഈ 10 വയസുകാരനുമായി നിരന്തരം അടുപ്പത്തിലാവുകയും പിന്നീട് മൊബൈൽ ഫോണിൽ പ്രകൃതി വിരുദ്ധ പീഡന ദൃശ്യങ്ങൾ കാണിച്ചുകൊണ്ട് കുട്ടിയെ പീഡനത്തിന് ഇരയാക്കിയത്. കഴിഞ്ഞ 10 വര്ഷമായിട്ട് എയ്‌ഡ്‌സ്‌ രോഗിയാണ് ഈ പ്രതി. മനഃപൂർവം എയ്‌ഡ്‌സ്‌ പരത്തുക എന്ന ബോധ്യത്തോടുകൂടിയാണ് കുട്ടിയെ പ്രതി പീഡനത്തിനിരയാക്കിയത്. രാജ്യത്തെ തന്നെ അപൂർവങ്ങളിൽ അപൂർവങ്ങളായ കേസായിട്ടാണ് കോടതി ഇതിനെ പരിഗണിച്ചത്. പിന്നീടാണ് കടുത്ത കോടതി വിധിയിലേക്ക് കോടതി കടന്നത്. പിഴ അടച്ചില്ലേൽ 9 മാസം കൂടുതൽ തടവ് അനുഭവിക്കേണ്ടി വരും. വിധിക്ക് പിന്നാലെ പൂജപ്പുര സെൻട്രൽ ജയിലിലേക്ക് പ്രതിയെ മാറ്റിയിട്ടുണ്ട്. പ്രത്യേകം സെല്ലിലാണ് പ്രതി ഇപ്പോൾ കഴിയുന്നത്.
