പുൽപ്പള്ളി താന്നിതെരുവിലും കടുവയിറങ്ങി. തൊഴുത്തിന് സമീപം കെട്ടിയ പശുക്കിടാവിനെ കടിച്ചുകൊന്നു. പുലർച്ചെ നാലരയോടുകൂടിയാണ് പുറത്ത് പശുക്കിടാവിൻ്റെ അലർച്ച കേട്ടത്. ശബ്ദം കേട്ട് പുറത്തിറങ്ങി നോക്കുമ്പോഴാണ് കടുവ ഓടി മറയുന്നത് വീട്ടുക്കാർ കണ്ടത്. വയനാട്ടിൽ മൃഗങ്ങളുടെ ആക്രമണം പെരുകുകയാണ്. പുൽപ്പള്ളി മേഖലയിൽ കഴിഞ്ഞ കുറെ ദിവസമായി കടുവയുടെ സാന്നിധ്യം സ്ഥിതീകരിക്കുന്നുണ്ട്. ജനുവരിയിൽ മാത്രം ഏഴോളം വളർത്തുമൃഗങ്ങളെ കടുവ പിടിച്ചിട്ടുണ്ട് എന്നുള്ളതാണ് കണക്ക്.