കോഴിക്കോട് പയ്യാനക്കലിൽ 5 വയസുകാരിയെ ശ്വാസം മുട്ടിച്ച് കൊലപ്പെടുത്തിയ കേസിൽ അമ്മയെ കോടതി വെറുതെ വിട്ടു. സാഹചര്യ തെളിവുകളുടെ അഭാവത്തിലാണ് കുട്ടിയുടെ അമ്മ സമീറയെ കോടതി വെറുതെ വിട്ടത്. 2021 ജൂലൈയിൽ കോഴിക്കോട് പയ്യാനക്കൽ ചാമുണ്ടിവളപ്പിലെ 5 വയസുകാരി ഫാത്തിമ റന കൊല്ലപ്പെട്ട കേസിലാണ് കോടതി വിധി. ദുർമന്ത്രവാദത്തിൻ്റെ മറവിൽ കുട്ടിയെ അമ്മ കൊലപ്പെടുത്തിയെന്നായിരുന്നു പോലീസിൻ്റെ കണ്ടെത്തൽ. എന്നാൽ ഇവർ കുറ്റം ചെയ്തെന്ന് തെളിയിക്കുന്നതിൽ പ്രോസിക്യൂഷൻ പരാജയപ്പെട്ടെന്നും സാഹചര്യ തെളിവുകൾ കുട്ടിയുടെ അമ്മക്ക് എതിരല്ലെന്നും കോടതി കണ്ടെത്തി.