തിരുവനന്തപുരം മണ്ണന്തലയിൽ ഇന്ന് പുലർച്ചെയാണ് സംഭവം നടക്കുന്നത്. പെട്രോൾ അടിക്കാൻ വൈകിയെന്നാരോപിച്ചാണ് മൂന്ന് യുവാക്കൾ ചേർന്ന് ജീവനക്കാരനെ ആക്രമിച്ചത്. രണ്ട് സ്കൂട്ടറുകളിലായി നാലാളായിട്ടാണ് വന്നത്. പുലർച്ച 2 മണി ആയതിനാൽ ജീവനക്കാരൻ അല്പം മയങ്ങിപ്പോയി. പെട്രോൾ അടിക്കാൻ വൈകിയെന്നാരോപിച്ച് കാലിൽ പിടിച്ച് വലിക്കുകയായിരുന്നു. പെട്രോൾ അടിച്ചതിനുശേഷം ഇക്കാര്യം ചോദ്യം ചെയ്തതിനു പിന്നാലെയാണ് രണ്ട് വാഹനങ്ങളിലായി വന്ന മൂന്ന് യുവാക്കൾ ഇയാളെ ക്രൂരമായി മർദിച്ചത്. ഇവരിൽ ഒരാളെ പോലീസ് അറസ്ററ് ചെയ്തിട്ടുണ്ട്. മറ്റു പ്രതികൾക്കായി പോലീസ് അന്വേഷണം ആരംഭിച്ചിട്ടുണ്ട്.
