അതിരപ്പിള്ളി മലക്കപ്പാറയിൽ കാട്ടാനക്ക് മുൻപിൽ യുവാവിൻ്റെ പരാക്രമം. ഇന്നലെ വൈകീട്ടാണ് സംഭവം നടക്കുന്നത്. ആന വാഹനങ്ങൾക്ക് മുന്നിലേക്ക് വരുകയായിരുന്നു. ആന റോഡിൽ തടസമായി നില്കുന്നത് കണ്ട് വിനോദസഞ്ചാരിയായ യുവാവ് ആനക്കടുത്തെത്തുകയും പ്രകോപനപരമായ രീതിയിൽ പെരുമാറുകയുമായിരുന്നു. പ്രകോപിതനായ ആന റോഡിൽ കിടന്ന കാർ കൊമ്പുകൊണ്ട് ഉയർത്താൻ ശ്രമിച്ചു. കെ എസ് ആർ ടി സി ബസ് എത്തി ഹോൺ മുഴക്കിയതോടെയാണ് ആന കാട് കയറിയത്.