കരുവന്നൂർ തട്ടിപ്പിലെ ഇ ഡി അന്വേഷണത്തിൽ എം കെ കണ്ണൻ്റെ സ്വത്ത് വിവരങ്ങൾ അന്വേഷണ സംഘത്തിന് കൈമാറി. കണ്ണൻ്റെ സഹായികളാണ് ഇ ഡി ഓഫീസിൽ രേഖകൾ എത്തിച്ചത്.
മൂന്നാം വട്ടം നോട്ടീസ് എത്തിയപ്പോൾ എം കെ കണ്ണൻ്റെ സ്വത്ത് വിവരങ്ങൾ ഇ ഡി ഓഫീസിലെത്തി. സ്വത്ത് വിവരങ്ങൾ ഹാജരാക്കാനുള്ള സമയപരിധി ഇന്ന് അവസാനിക്കാൻ ഇരിക്കെയാണ് രാവിലെ കണ്ണൻ്റെ സഹായികൾ രേഖകളുമായി എത്തിയത്. എം കെ കണ്ണൻ ഇന്ന് ഹാജരാകില്ല. കണ്ണന്റെയും കുടുംബാംഗങ്ങളുടെയും പേരിലുള്ള ഭൂമി നിക്ഷേപങ്ങൾ സ്വർണം തുടങ്ങിയ വിവരങ്ങളാണ് ഇ ഡി പരിശോധിക്കുന്നത്. മുഖ്യ പ്രതി സതീഷ് കുമാറുമായുള്ള സൗഹൃദവും ഒപ്പം നടത്തിയ യാത്രകളുമാണ് സംശയ നിഴലിലുള്ളത്. സതീഷ് കുമാറിൻ്റെ സഹോദരൻ ശ്രീജിത്തിനെയും ഇ ഡി ചോദ്യം ചെയ്യുകയാണ്.
