തൃശ്ശൂർ പുത്തൻപീടികയിൽ പൊലീസിന് നേരെ കത്തി വീശി ഗുണ്ടയുടെ ആക്രമണം. വെങ്കിടങ്ങ് സ്വദേശി സിയാദിനെ അന്തിക്കാട് പോലീസ് അറസ്ററ് ചെയ്തു. പാവറട്ടി പോലീസ് സ്റ്റേഷനിൽ 32 ക്രിമിനൽ കേസുകളിൽ പ്രതിയാണ് സിയാദ്. ഇന്നലെ വൈകീട്ടോടെയാണ് സംഭവം നടക്കുന്നത്. പുത്തൻപീടിക ഷാപ്പിനു മുന്നിൽ വച്ചാണ് യുവാവ് അക്രമാസക്തനായത്. തുടർന്ന് നാട്ടുകാർ പോലീസിനെ വിവരമറിയിക്കുകയായിരുന്നു. സ്ഥലത്ത് പോലീസ് എത്തിയതിനു ശേഷം പോലീസിന് നേരെയായി ഇയാളുടെ ആക്രമണം. രാത്രിയോട് കൂടിയാണ് ഇയാളെ പോലീസ് കസ്റ്റഡിയിൽ എടുക്കുന്നത്.
