കോഴിക്കോട് താമരശ്ശേരിയിൽ കാട്ടുപന്നിയുടെ ആക്രമണത്തിൽ ഇരുചക്രവാഹന യാത്രക്കാരന് പരിക്കേറ്റു. ഇന്ന് രാവിലെ ഒൻപതരയോടെ ആയിരുന്നു സംഭവം. ബാലശ്ശേരി റഫീക്കിനാണ് പരിക്കേറ്റത്. ഇയാൾക്ക് സാരമായ പരിക്കുണ്ട്. കാട്ടുപന്നി ഇയാളുടെ സ്കൂട്ടറിന് മുന്നിൽ ചാടുക മാത്രമല്ല കുത്തി പരിക്കേല്പിക്കുകയും ചെയ്തിട്ടുണ്ട്. കയ്യിനും കാലിനുമാണ് പൊട്ടലുള്ളത്. ഈ പ്രദേശത്ത് ഇതിനുമുൻപും നിരവധി തവണ കാട്ടുപന്നിയുടെ ശല്യം ഉണ്ടായിട്ടുണ്ട്. കാട്ടുപന്നിയെ തുരത്താനുള്ള നിരവധി നടപടികൾ എടുക്കുന്നുണ്ടെങ്കിലും അവ പെരുകുകയാണെന്ന് നാട്ടുകാർ പറയുന്നു. റഫീക്ക് അപകടനില തരണം ചെയ്തിട്ടുണ്ട്.
