കോഴിക്കോട് ഇന്നലെ തീപിടിത്തമുണ്ടായ മാലിന്യ സംസ്കരണ കേന്ദ്രത്തിൽ ഫയർ ഫോഴ്സ് സംഘം പരിശോധന നടത്തി. റിപ്പോർട്ട് നാളെ കളക്ടർക്ക് കൈമാറും. ഇന്നലെ രാവിലെയായിരുന്നു കോഴിക്കോട് കോർപറേഷൻ്റെ കീഴിലുള്ള മാലിന്യ സംസ്കരണ കേന്ദ്രത്തിന് തീ പിടിച്ചത്. വലിയ രീതിയിലുള്ള തീപിടുത്തമാണ് ഇന്നലെ ഉണ്ടായത്. മാസങ്ങളായി ഇവിടെ മാലിന്യ സംസ്കരണം നടക്കുന്നില്ല. മാസങ്ങളായി തന്നെ ഇവിടെ വൈദ്യതി കണക്ഷനുമില്ല. അതിനാൽ തന്നെ ഷോർട് സെർക്യൂട്ട് മൂലമല്ല തീപിടിത്തം ഉണ്ടായത് . തീപിടിത്തത്തിന് പിന്നിലെ കാരണമെന്തെന്ന് അറിയുന്നതിന് വേണ്ടി ഫയർ ഫോഴ്സും ഫോറൻസിക് സംഘവുമെല്ലാം പരിശോധന നടത്തിയിട്ടുണ്ട്. ഇതിൻ്റെ റിപ്പോർട്ട് നാളെ ജില്ലാ കളക്ടർക്ക് കൈമാറും.