കണ്ണൂർ: തളിപ്പറമ്പിൽ പോലീസ് ഡംപിങ് യാർഡിൽ വൻതീപ്പിടിത്തം. ഇരുന്നൂറോളം വാഹനങ്ങൾ കത്തിനശിച്ചു. അഗ്നിരക്ഷാസേന തീയണയ്ക്കാനുള്ള ശ്രമങ്ങൾ തുടരുകയാണ്.
തളിപ്പറമ്പ് വെള്ളാരംപാറയിലെ ഡംപിങ് യാർഡിലാണ് വ്യാഴാഴ്ച ഉച്ചയോടെ തീപ്പിടിത്തമുണ്ടായത്. വിവിധകേസുകളിലായി പോലീസ് പിടികൂടിയ വാഹനങ്ങളാണ് ഇവിടെ സൂക്ഷിച്ചിരുന്നത്. സമീപത്തെ പറമ്പിലാണ് ആദ്യം തീപ്പിടിത്തമുണ്ടായത്. തീ പിന്നീട് ഡംപിങ് യാർഡിലെ വാഹനങ്ങളിലേക്കും പടരുകയായിരുന്നു. ഏകദേശം അഞ്ഞൂറോളം വാഹനങ്ങളാണ് ഡംപിങ് യാർഡിൽ കൂട്ടിയിരിട്ടിരുന്നത്.
