കേരള സർക്കാർ ആയുഷ് ഹോമിയോപ്പതി വകുപ്പ് സുവർണ ജൂബിലി ആഘോഷങ്ങളുടെ ഭാഗമായി അവിണിശ്ശേരി ഗ്രാമപഞ്ചായത്തിൽ വനിതകൾക്കായി ഹെൽത്ത് ക്യാമ്പയിൻ നടത്തി.
അവിണിശ്ശേരി പഞ്ചായത്ത് മിനി ഹാളിൽ നടന്ന ഹോമിയോപ്പതി ക്യാമ്പ് പഞ്ചായത്ത് പ്രസിഡണ്ട് ഹരി സി.നരേന്ദ്രൻ ഉദ്ഘാടനം ചെയ്തു.
അവിണിശ്ശേരി പഞ്ചായത്ത് വിദ്യഭ്യാസ ആരോഗ്യ സ്റ്റാന്റിംഗ് കമ്മിറ്റി ചെയർമാൻ വി ഐ ജോൺസൺ അധ്യക്ഷത വഹിച്ചു.
പഞ്ചായത്ത് വൈസ് പ്രസിഡണ്ട് ഗീതാ സുകുമാരൻ മുഖ്യ അതിഥിയായിരുന്നു.ഹോമിയോപ്പതി ഡോക്ടർമാരായ സി വി സോണി,പ്രിയജ വി.ആർ, നെജിജോർജ് എന്നിവർ ക്യാമ്പിൽ പങ്കെടുത്ത സ്ത്രീകളെ പരിശോധിച്ച് മരുന്നുകൾ നൽകി. കെ എ പ്രദീപ്,സുനിൽ ചാണാശ്ശേരി,റോസിലി ജോയ് ,ഗീതാശ്രീധരൻ എന്നിവർ സംസാരിച്ചു.