കൊച്ചിയിൽ ബാറിന് മുന്നിലെ വെടിവെപ്പുമായി ബന്ധപ്പെട്ട് രണ്ട് പേർ കസ്റ്റഡിയിൽ. ആക്രമണത്തിൽ രണ്ട് ബാർ ജീവനക്കാർക്ക് പരിക്കേറ്റിരുന്നു. മദ്യപാനത്തെ തുടർന്നുള്ള തർക്കമാണ് വെടിവെപ്പിൽ കലാശിച്ചതെന്നാണ് പോലീസ് പറയുന്നത്. പ്രതികളെ കുറിച്ച് പൊലീസിന് കൃത്യമായ സൂചനയുണ്ട്. സംഭവവുമായി ബന്ധപ്പെട്ട രണ്ട് പേരെ കസ്റ്റഡിയിൽ എടുത്ത് വിവരങ്ങൾ ശേഖരിക്കുകയാണ്. ഇന്നലെ രാത്രി പതിനൊന്നരയോട് കൂടിയാണ് സംഭവം നടന്നത്.
