ഒളിക്യാമറ ഉപയോഗിച്ച് ശുചിമുറിയിൽ നിന്നും പെൺകുട്ടികളുടെ ചിത്രമെടുത്ത് സമൂഹമാധ്യമങ്ങളിൽ പ്രചരിപ്പിച്ച യുവാവ് അറസ്റ്റിൽ. പാലക്കാട് കഞ്ചിക്കോട് സ്വദേശി ആരോഗ്യസ്വാമിയാണ് പിടിയിലായത്. സൈബർ സെല്ലിൻ്റെ സഹായത്തോടെയാണ് ഇയാളെ പിടിക്കാൻ പോലീസിന് കഴിഞ്ഞത്. ഡിസംബർ മുതൽ ഇയാൾക്കായി പോലീസ് തിരച്ചിൽ തുടങ്ങിയിരുന്നു. ഡിസംബറിലാണ് പെൺകുട്ടികളുടെ മാതാപിതാക്കൾ പോലീസിൽ പരാതി നൽകിയത്. 13 , 15 വയസുള്ള രണ്ട് പെൺകുട്ടികളുടെ നഗ്ന ചിത്രങ്ങളും വിഡിയോകളുമാണ് ഇയാൾ എടുത്തത്. പിന്നീട് സാമൂഹിക മാധ്യമങ്ങളിൽ പ്രചരിപ്പിക്കുകയും ചെയ്തു.