പത്തനംതിട്ട ജില്ലയിലെ കിഴക്കൻ മലയോരമേഖലയിലെ സ്കൂളിലെ ഒമ്പതാം ക്ലാസ് വിദ്യാർത്ഥിയാണ് ഗര്ഭിണിയായത്. കഴിഞ്ഞ ദിവസം വയറ്റിൽ അസഹ്യമായ വേദന അനുഭവപ്പെട്ടതിനെ തുടർന്ന് ബന്ധുക്കൾ തിരുവല്ലയിലെ ഒരു സ്വകാര്യ ആശുപത്രിയിൽ ചികിത്സക്കായി പ്രവേശിപ്പിച്ചു. തുടർന്ന് നടത്തിയ പരിശോധനയിലാണ് പെൺകുട്ടി ഗർഭിണിയാണെന്ന് തിരിച്ചറിയുന്നത്. ശേഷം പോലീസിൽ വിവരമറിയിക്കുകയായിരുന്നു. പോലീസ് സംഭവസ്ഥലത്തെത്തി കുട്ടിയുടെ മൊഴിയെടുക്കുകയും സഹപാഠിയായ 14കാരനെതിരെ കേസെടുക്കുകയും ചെയ്തു. ബലാത്സംഗം,പോക്സോ നിയമത്തിലെ 3, 4, 5, 6 വകുപ്പുകൾ പ്രകാരമാണ് കേസെടുത്തിരിക്കുന്നത്. പെൺകുട്ടി നിരവധി തവണ പീഡിപ്പിക്കപ്പെട്ടിട്ടുണ്ട് എന്നും പോലീസ് കണ്ടെത്തി. ഇരുവരും ഒരേ ക്ലാസ്സുകളിൽ പഠിക്കുന്നവരും ഏറെ കാലമായി അടുപ്പത്തിൽ ആയിരുന്നവരും ആണെന്നാണ് പോലീസിൽ നിന്ന് ലഭിക്കുന്ന വിവരം.
previous post