മലപ്പുറം വട്ടപ്പാറയിൽ ചരക്ക് ലോറി മറിഞ്ഞ് ഒരാൾ മരിച്ചു. കർണാടക സ്വദേശി ഗോപാൽ ജാദവ് ആണ് മരിച്ചത്. ഇന്ന് പുലർച്ച അഞ്ചുമണിയോടെയാണ് അപകടം ഉണ്ടാവുന്നത്. ലോറിക്കടിയിൽ കുടുങ്ങികിടന്നാണ് ഗോപാൽ മരിക്കുന്നത്. ഗോപാലാണ് വാഹനം ഓടിച്ചിരുന്നത്.
കർണാടക സ്വദേശി തന്നെയായ ഇയാളുടെ സഹായിയെ പരിക്കുകളോടെ ആശുപത്രിയിൽ പ്രവേശിപ്പിച്ചിട്ടുണ്ട്. പോലീസും അഗ്നിരക്ഷാ സേനയും കൂടെയാണ് വാഹനത്തിനടിയിൽ കുടുങ്ങിക്കിടന്ന ഗോപാലിനെ പുറത്തെടുത്തത്. ഗോപാലിൻ്റെ സഹായി അപകടനില തരണം ചെയ്തിട്ടുണ്ട്. കർണാടകയിൽ നിന്നും തൃശൂർ ഭാഗത്തേക്ക് പോകുകയായിരുന്ന ലോറിയാണ് മറിഞ്ഞത്.
