കൊല്ലം: കെഎസ്ആർടിസി സ്റ്റാൻഡിന്റെ ദുരവസ്ഥയിൽ ഗതാഗതവകുപ്പിനെതിരെ മുകേഷ് MLA രംഗത്ത്. കൊല്ലത്തെ കെഎസ്ആർടിസി ബസ് സ്റ്റാൻഡ് കെട്ടിടം അപകടാവസ്ഥയിലാണെന്ന് ഫേസ്ബുക്ക് പോസ്റ്റിൽ മുകേഷ് ചൂണ്ടിക്കാട്ടി. യാത്രക്കാർക്ക് സുരക്ഷിതമായി കയറി നിൽക്കാനാകുന്ന മിനിമം സൗകര്യമെങ്കിലും വേണമെന്ന് അദ്ദേഹം ആവശ്യപ്പെട്ടു.
എംഎൽഎ ഫണ്ടിൽനിന്ന് ആദ്യം ഒരു കോടിയും പിന്നീട് ആറ് കോടിയും നൽകാമെന്ന് പറഞ്ഞ് ബന്ധപ്പെട്ട വകുപ്പിന് കത്ത് നൽകിയെങ്കിലും ഒരു നടപടിയും ഉണ്ടായില്ല. ഇക്കാര്യത്തിൽ നടപടി എടുക്കാൻ മാനേജ്മെന്റും വകുപ്പും തയ്യാറാവുന്നില്ലെങ്കിൽ വലിയ വില നൽകേണ്ടിവരുമെന്നും മുകേഷ് പറഞ്ഞു.