basic-tips-to-lose-weight-in-a-healthy-way
Health

ഇതു പോലെ ശ്രമിച്ചാല്‍ ഏതു വണ്ണവും കുറയും

തടി കുറയ്ക്കുക എന്നതാണ് പലര്‍ക്കുമുള്ള ലക്ഷ്യം. കാരണം തടി കൂടുന്നത് ആരോഗ്യത്തിനും സൗന്ദര്യത്തിനും ഒരു പോലെ ദോഷം വരുത്തുന്ന ഒന്നാണ്. എന്നാല്‍ ഇതിനായി കണ്ണില്‍ കാണുന്ന വഴികള്‍ പരീക്ഷിയ്ക്കുന്നവരാണ് പലരും. അവനവന് ചേര്‍ന്നതാണ് തിരഞ്ഞെടുക്കേണ്ടത്. അല്ലാതെ മറ്റൊരാള്‍ക്ക് ഫലപ്രദമായി തടി കുറയ്ക്കാന്‍ പറ്റിയ വഴി നമുക്ക് ചേര്‍ന്നെന്നു വരില്ല. ഇതു പോലെ ഇതിനായി കൃത്രിമ മാര്‍ഗങ്ങളും പരീക്ഷിയ്ക്കരുത്. തടി കുറയ്ക്കാന്‍ നോക്കി അവസാനം മാറിരോഗികളായി മാറുന്ന പല സംഭവങ്ങളും നാം കേള്‍ക്കാറുണ്ട്. തടി കുറയ്ക്കാന്‍ വേണ്ട ചില പ്രധാന കാര്യങ്ങള്‍ എന്തെന്നറിയൂ.

നാം വണ്ണം കുറയ്ക്കാന്‍ തീരുമാനിയ്ക്കുമ്പോള്‍ ഒറ്റയടിയ്ക്ക് തടി കുറയ്ക്കാന്‍ ശ്രമിയ്ക്കരുത്. ആറു മാസം എന്ന കണക്ക് വയ്ക്കുക. അതല്ലാതെ തിടുക്കപ്പെട്ട് പെട്ടെന്ന് തടി കുറയ്ക്കാന്‍ ശ്രമിയ്ക്കുന്നത് ദോഷമേ വരുത്തൂ. ഇതു പോലെ നമ്മുടെ ശരീരത്തിന് ഉയരത്തിന് അനുസരിച്ച് ആരോഗ്യകരമായ തൂക്കം വേണം. ഉയരത്തിന് ആനുപാതികമല്ല തൂക്കമെങ്കില്‍ മാത്രം തടി കുറയ്ക്കാം. സമയമെടുത്ത് തടി കുറയ്ക്കുക എന്നതാണ് ആദ്യ ലക്ഷ്യമായി വയ്‌ക്കേണ്ടത്. ഇതല്ലാതെ ചുരുങ്ങിയ സമയത്തില്‍ വല്ലാതെ മെലിയുക എന്നെല്ലാം ലക്ഷ്യം വച്ചാല്‍ ഇത് ദോഷമാണ്, സാധിയ്ക്കാന്‍ ബുദ്ധിമുട്ടും. ലക്ഷ്യം നേടാന്‍ കഠിനാധ്വാനം വേണം.

തടി കുറയ്ക്കുന്നതില്‍ പ്രധാനം ഭക്ഷണമാണ്. ആദ്യം വേണ്ടത് പെട്ടെന്ന് തടി കൂട്ടുന്ന തരത്തിലെ ഭക്ഷണം കുറയ്ക്കുക, അല്ലെങ്കില്‍ ഏതാണ്ട് പൂര്‍ണമായും ഒഴിവാക്കുക എന്നതാണ്. വല്ലപ്പോഴും ഒരിയ്ക്കല്‍ കൊതി തീര്‍ക്കാന്‍ ആകാം. ചുവന്ന ഇറച്ചി, വറുത്ത ഭക്ഷണങ്ങള്‍ എന്നിവയെല്ലാം തന്നെ പെട്ടെന്ന് തടി കൂട്ടുന്നവയാണ്. ഇവയില്‍ നിയന്ത്രണം വേണം. ചുവന്ന ഇറച്ചി എന്നു പറഞ്ഞാല്‍ ആട്ടിറച്ചി, പോത്തിറച്ചി, പശുവിറച്ചി എല്ലാം പെടുന്നു. ഇതു പോലെ ചോക്കലേറ്റ്, കുക്കീസ്, പേസ്റ്ററി, കേക്ക് എന്നിവയെല്ലാം തടി കൂട്ടുന്നവയാണ്. ഇതു പോലെ വട, പഴംപൊരി പോലുളളവയെല്ലാം തടി കൂട്ടും. ഇവയെല്ലാം നിയന്ത്രിക്കാം. ചായയുടെ എണ്ണം കുറയ്ക്കാം, ഇതിന്റെ അളവ് കുറയ്ക്കാം. ഇതിലെ മധുരം കുറയ്ക്കാം. അത്യാവശ്യമെങ്കില്‍ മാത്രം ചായ, കാപ്പി ശീലങ്ങള്‍ വയ്ക്കുക. ഇതല്ലെങ്കില്‍ കട്ടന്‍ ചായ പോലുള്ളവ ആകാം. അതും മിതമായി മാത്രം.

ഇനി കഴിയ്ക്കാവുന്ന ചിലതുണ്ട്. നട്‌സ് ആരോഗ്യകരമായി കഴിയ്്ക്കാം. മിതമായി വേണം, കഴിയ്ക്കകാന്‍. ഇലക്കറികള്‍ ധാരാളം ഇലക്കറികള്‍ കഴിയ്ക്കാം. ഇതു പോലെ പ്രാതല്‍ 5 ഇഡ്ഢലിയെല്ലാം കഴിയ്ക്കുന്നവരെങ്കില്‍ തടി കുറയ്ക്കാന്‍ ഒറ്റയടിയ്ക്ക് ഒന്നോ രണ്ടോ ആയി ചുരുക്കരുത്. പകരം രണ്ടു തവണയായി മൂന്നോ നാലോ കഴിയ്ക്കാം. ഇതു പോലെ നാരങ്ങാ വെള്ളം, ഫ്രഷ് ജ്യൂസ് എന്നിവ കഴിയ്ക്കാം. വിശപ്പിന് സാലഡുകള്‍ കഴിയ്ക്കാം. പഴങ്ങള്‍ കഴിയ്ക്കാം. ഭക്ഷണം കുറയ്ക്കണമെങ്കില്‍ ഒറ്റയടിയ്ക്ക് കുറയ്ക്കാതെ കുറേശെയായി കുറയ്ക്കുക. ഇതിലൂടെ വയറും ഇതിന്റെ സൈസും കുറഞ്ഞു വരും.

രാത്രി ഭക്ഷണം ചോറ് കഴിവതും ഒഴിവാക്കുക. ഗ്ലൈസമിക് ഇന്‍ഡെക്‌സ് കുറഞ്ഞ ഭക്ഷണം കഴിയ്ക്കുക. ഇതു പോലെ തേങ്ങാ അരച്ച കറികള്‍ കുറയ്ക്കുക. ഇതു പോലെ തേങ്ങാ വറുത്തരയ്ക്കുന്നത് കൂടുതല്‍ ദോഷമാണ്. കൊളസ്‌ട്രോള്‍ പോലുള്ള രോഗങ്ങള്‍ക്ക് ഇത് പ്രധാന കാരണമാണ്. നാലു പേരുള്ള ഒരു കുടുംബത്തില്‍ മാസം 5 നാളികേരം, ഒരു ലിറ്റര്‍ വെളിച്ചെണ്ണ എന്ന കണക്ക് വയ്ക്കുക. ഇതില്‍ കൂടുതല്‍ ഇവ ഉപയോഗിയ്ക്കാതിരിയ്ക്കുക. ഇതു പോലെ ചോക്കലേറ്റുകള്‍ തടി വയ്പ്പിക്കുന്നവയാണ്.

ഇതു പോലെ കഴിയ്ക്കുന്ന രീതി പ്രധാനം. പലരും രാവിലെ തിരക്കില്‍ പ്രാതല്‍ ഒഴിവാക്കും, ഉച്ചയ്ക്ക് പേരിന് കഴിയ്ക്കും. എല്ലാ തെറ്റു കുറ്റവും തീര്‍ക്കുന്നത് രാത്രിയിലെ ഭക്ഷണത്തിലൂടെയാകും. ഇതാണ് തടിയും വയറും കൂടാന്‍ ഇടയാക്കുന്ന പ്രധാനപ്പെട്ട കാരണം. മുട്ട വെള്ളയും പച്ചക്കറികളും എല്ലാം കഴിയ്ക്കുന്നത് ആരോഗ്യകരമാണ്. നല്ലതു പോലെ വ്യായാമം ചെയ്യുന്നവരെങ്കില്‍ രണ്ടോ മൂന്നോ മുട്ട വെള്ള കഴിയ്ക്കാം. ഇതു പോലെ ആവിയില്‍ വേവിച്ച ഭക്ഷണങ്ങള്‍ നല്ലതാണ്. വറുത്തവ കഴിവതും ഒഴിവാക്കുക. മീന്‍ പോലുള്ളവ ആരോഗ്യകരമാണ്. ഇവ കറി വച്ചാണ് നല്ലത്. രാത്രി ഭക്ഷണം നേരത്തെ കഴിയ്ക്കുക. ഇതു പോലെ കൃത്യമായി വ്യായാമ ശീലവും പാലിയ്ക്കുക.

READMORE : സ്‌മാർട്ട്‌ഫോൺ വാങ്ങുന്നതിനായി രക്തം വിൽക്കാൻ ശ്രമിച്ച് 16 വയസുകാരി…

Related posts

പ്രമുഖ ബ്രാന്‍ഡുകളുടെ സാനിറ്ററി പാഡുകളില്‍ ഉപയോഗിക്കുന്നത് അപകടകാരിയായ രാസവസ്തുക്കള്‍: പഠനം

sandeep

ദക്ഷിണാഫ്രിക്കയിൽ കൊവിഡ് അഞ്ചാം തരംഗം; ബീജിംഗിൽ സ്കൂളുകൾ അടച്ചു

Sree

തൃശൂര്‍ ഗവ.എന്‍ജിനീയറിങ് കോളജിലെ രണ്ട് വിദ്യാര്‍ത്ഥികള്‍ക്ക് ഷിഗെല്ല രോഗം സ്ഥിരീകരിച്ചു

Sree

Leave a Comment