ജമ്മു കശ്മീരില്‍ നിയന്ത്രണരേഖയിലെ രണ്ടിടങ്ങളില്‍ ബിഎസ്എഫ് ഇടപെടല്‍. നുഴഞ്ഞുകയറാന്‍ ശ്രമിച്ച ഒരാളെ ബിഎസ്എഫ് വെടിവച്ചുകൊന്നു, മറ്റൊരാളെ പിടികൂടി. ആര്‍.എസ്. പുര സെക്ടറില്‍ പുലര്‍ച്ചെ രണ്ടരയോടെയാണ് ഒരാള്‍ അതിര്‍ത്തിവേലി കടക്കാന്‍ ശ്രമിച്ചത്.
മുന്നറിയിപ്പ് നല്‍കിയിട്ടും ഇയാള്‍ മുന്നിലേക്ക് വന്നതോടെ ബിഎസ്എഫ് വെടിയുതിര്‍ത്തു. പാക് ഭാഗത്തുനിന്ന് തിരിച്ചടി ഉണ്ടായില്ലെന്നും സേന അറിയിച്ചു. പിന്നാലെ രാംഗഡ് സെക്ടറില്‍ അതിര്‍ത്തി കടക്കാന്‍ ശ്രമിച്ചയാളെയും ബിഎസ്എഫ് പിടികൂടി.
