വിമാനത്തിനകത്ത് വച്ച് ദേഹാസ്വാസ്ഥ്യം അനുഭവപ്പെട്ട യാത്രക്കാരൻ മരിച്ചു. കോട്ടയം സ്വദേശി സുമേഷ് ജോർജാണ് മരിച്ചത്. 43 വയസായിരുന്നു . ഇന്നലെ ബഹറിനിൽ നിന്നും കൊച്ചിയിലേക്കുള്ള എയർ അറേബ്യ വിമാനത്തിലെ യാത്രക്കിടെയാണ് സുമേഷിന് ദേഹാസ്വാസ്ഥ്യം ഉണ്ടായത്. വിമാനം ലാൻഡ് ചെയ്ത ഉടൻ തന്നെ അങ്കമാലി ലിറ്റിൽ ഫ്ലവർ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. ആശുപത്രിയിൽ സൂക്ഷിച്ചിരിക്കുന്ന മൃതദേഹം ബന്ധുക്കളെത്തി കോട്ടയത്തെ വീട്ടിലേക്ക് കൊണ്ടുപോകും.