ചാവക്കാടിൻ്റെ അഭിമാനമായി മാറിയിരിക്കുകയാണ് ശരത്. മണത്തല മുല്ലത്തറയിൽ സി.ഐ.ടി.യു ചുമട്ടുതൊഴിലാളിയായ കിഴക്കൂട്ട് പ്രശാന്തിൻ്റെ മകനാണ് ശരത്. ചെറുപ്പം മുതൽ തന്നെ കാൽപന്തു കളിയിൽ ശരത് താല്പര്യം കാണിച്ചിരുന്നു. ഗുരുവായൂർ സ്പോർട്സ് അക്കാദമിയിൽ നിന്നും പരിശീലനം നേടിയ ശരത് ജില്ലക്ക് വേണ്ടി കിരീടം നേടിയ ടീമിൽ നിന്നാണ് സന്തോഷ് ട്രോഫിക്ക് വേണ്ടിയുള്ള കേരള ടീമിലേക്ക് തിരഞ്ഞെടുക്കപ്പെട്ടത്. കേരള വർമ കോളേജ് വിദ്യാർത്ഥിയാണ്. അമ്മ സുബിത, സഹോദരൻ സനത്.