വയനാട് ചേകാടിയിൽ കാറിന് നേരെ കാട്ടാനയുടെ ആക്രമണം. കാർ യാത്രക്കാരായ രണ്ട് പേർക്ക് പരിക്കേറ്റു. മുള്ളൻകൊല്ലി സ്വദേശികളായ ഷെൽജൻ, ജ്യോതിപ്രകാശ് എന്നിവർക്കാണ് പരിക്കേറ്റത്. ഇവർ സഞ്ചരിച്ചിരുന്ന കാറിനെ ചേകാടി വനപാതയിൽ വച്ച് ആന ആക്രമിക്കുകയായിരുന്നു. ഇരുവരും ആശുപത്രിയിൽ ചികിത്സയിലാണ്. ഇന്നലെ വൈകീട്ടാണ് സംഭവം നടക്കുന്നത്. കഴിഞ്ഞ ദിവസം ഇതേസ്ഥലത്ത് ബൈക്ക് യാത്രികർക്ക് നേരെയും കാട്ടാന പാഞ്ഞടുത്തിരുന്നു.