വിവാഹ ദിവസമെന്നത് ഏവരുടെയും ജീവിതത്തിലെ സുപ്രധാന ദിവസമായിരിക്കും. വധുവിന്റെയും വരന്റെയും ജീവിതത്തിൽ ഒരിക്കലും മറക്കാനാവാത്ത സന്തോഷ നിമിഷം കൂടിയാണത്. ചെൽസി ഹിൽ എന്ന യുവതിയുടെ വിവാഹ ദിനത്തിൽ ഏവരുടെയും ഹൃദയത്തെ സ്പർശിച്ചു കൊണ്ടുള്ള ഒരു കാഴ്ചയാണ് ഇപ്പോൾ സാമൂഹ്യ മാധ്യമങ്ങളിൽ വൈറൽ ആയി മാറിയിരിക്കുന്നത്. 11 വർഷമായി വീൽചെയറിൽ ജീവിതം നയിച്ച ഇവർ വിവാഹ ദിനത്തിൽ വരന്റെ അടുത്തേക്ക് നടന്നു വരുന്നതാണ് ആ രംഗം. 2021 സെപ്തംബര് 24 നായിരുന്നു 29 കാരിയായ ഹില്ലിന്റെ വിവാഹം. വിവാഹ വേദിലേക്ക് പോകുന്നതിന് തൊട്ടുമുമ്പ് തന്റെ വീൽചെയർ ഉപേക്ഷിച്ച് യുവതി വരനായ ജെയ് ബ്ലൂംഫീൽഡിന്റെ അടുത്തേക്ക് നടന്നു നീങ്ങുന്നതാണ് വീഡിയോയിൽ ഉള്ളത്.
ഇത് ഹില്ലിന്റെ ഒരു സ്വപ്നസാഫല്യം കൂടിയായിരുന്നു. ലെഗ് ബ്രേസുകളും വാക്കറും ഉപയോഗിച്ചാണ് വധു വരന് അടുത്തേക്ക് വരുന്നത്. അതേസമയം തന്റെ വധുവായ ഹിൽ ഇടനാഴിയിലൂടെ നടന്നുവരുന്ന ആ കാഴ്ച്ച വരൻ ജയ് ഞെട്ടലോടെ ആണ് നോക്കിക്കണ്ടത്. അവന്റെ കണ്ണുകൾ അപ്പോൾ ആശ്ചര്യത്താൽ തിളങ്ങുകയായിരുന്നു. ഈ അപ്രതീക്ഷിത രംഗം വരനെയും കണ്ടുനിന്നവരുടെയും കണ്ണുകളെ ഒരുപോലെ ഈറനണിയിച്ചു.
ഹിൽ തന്റെ പിതാവിനൊപ്പം ആണ് വേദിയിലേക്ക് നടന്നുവന്നത്. അതും തന്റെ വധു നടന്നു വരികയാണെന്ന് ഒട്ടും പ്രതീക്ഷിക്കാതെ തിരിഞ്ഞു നിൽക്കുകയായിരുന്നു അപ്പോൾ വരൻ. ആ നിമിഷം ഞങ്ങളുടെ ആത്മാക്കൾ പരസ്പരം കൈകോർക്കുകയായിരുന്നു എന്നും എനിക്ക് ചുറ്റും മറ്റാരെയും ഞാൻ അവിടെ കണ്ടില്ല എന്നും ജയ്നെ മാത്രമാണ് കണ്ടതെന്നും ഹിൽ പറയുന്നു. ഏവരുടെയും ഹൃദയത്തെ സ്പർശിക്കുന്ന ഈ വീഡിയോ വളരെ ചുരുങ്ങിയ സമയം കൊണ്ട് തന്നെ എക്സിൽ നിരവധി ആളുകളുടെ ശ്രദ്ധ പിടിച്ചുപറ്റിയിരിക്കുകയാണ്. ധാരാളം കമന്റുകളും ഈ വീഡിയോയ്ക്ക് താഴെ ആളുകൾ പങ്കുവയ്ച്ചിട്ടുണ്ട്.