അരിമ്പൂർ: വളരെ വൃത്തിഹീനമായ രീതിയിൽ പ്രവർത്തിച്ചിരുന്ന കുന്നത്തങ്ങാടി സെന്ററിലുള്ള ഊട്ടുപുര എന്ന ഹോട്ടൽ പൂട്ടിച്ചു. ആരോഗ്യ വകുപ്പും പഞ്ചായത്തും സംയുക്തമായി നടത്തിയ പരിശോധനയിലാണ് നടപടി.
ഭക്ഷണം പാകം ചെയ്യുന്ന സ്ഥലം വളരെ മോശം രീതിയിൽ കണ്ടെത്തിയതിനെ തുടർന്ന് പലതവണ ഹോട്ടൽ നടത്തിപ്പുകാർക്ക് മുന്നറിയിപ്പ് നൽകിയിരുന്നു. ഇതിനു പരിഹാരം കാണാതെ ഹോട്ടൽ വീണ്ടും പ്രവർത്തിച്ചതോടെയാണ് നടപടിയെന്ന് അധികൃതർ പറഞ്ഞു.
ഹെൽത്ത് ഇൻസ്പെക്ടർ സരീഷ്, ജൂനിയർ ഹെൽത്ത് ഇൻസ്പെക്ടർ സെബാസ്റ്റ്യൻ, പഞ്ചായത്ത് സ്റ്റാഫ് രാജേഷ് എന്നിവർ പരിശോധനയിൽ പങ്കെടുത്തു. കടയുടമയിൽ നിന്ന് അയ്യായിരം രൂപ പിഴ ഈടാക്കി.
READ MORE: https://www.e24newskerala.com/