മലപ്പുറം നിലമ്പൂരിൽ കാട്ടുപന്നി കുറുകെ ചാടി ഗുഡ്സ് ഓട്ടോ മറിഞ്ഞു. ഡ്രൈവർക്ക് പരിക്കേറ്റു. 9 മണിയോടുകൂടിയാണ് അപകടം നടക്കുന്നത്. നിലമ്പൂരിൽ റോഡിനു കുറുകെ കാട്ടുപന്നിക്കൂട്ടം ചാടുകയായിരുന്നു.
കാട്ടുപന്നി കുറുകെ ഓടിയതിനെ തുടർന്ന് ഗുഡ്സ് ഓട്ടോറിക്ഷ ബ്രേക്ക് ചെയ്തതിനെത്തുടർന്ന് മറിയുകയായിരുന്നു. ഡ്രൈവറുടെ തലക്കാണ് പരിക്കേറ്റിരിക്കുന്നത്. ഇയാളെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചിട്ടുണ്ട്.
പ്രദേശത്ത് ടൗണിലടക്കം കാട്ടുപന്നി ഇറങ്ങിയ സാഹചര്യം ഉണ്ടായിട്ടുണ്ട്. കാട്ടുപന്നി ശല്യത്തിന് ആശ്വാസം വേണം എന്നുള്ളതാണ് നാട്ടുകാരുടെ ഇപ്പോഴത്തെ ആവശ്യം.
Updated News Click Here
