banana-lehyam-gain-your-weight
Health Kerala Government flash news latest news

പെട്ടെന്ന് തടി വെക്കാൻ നിങ്ങൾക്ക് ആഗ്രഹമുണ്ടോ?

തടി പലർക്കും വില്ലനാകുന്നത് പോലെത്തന്നെയാണ് പലപ്പോഴും തടി ഇല്ലായ്മയും വില്ലനാകുന്നത്. മെലിഞ്ഞുന്തി കോല് പോലെയിരിക്കുന്ന പലരും പലപ്പോഴും ആലോചിച്ചിട്ടുണ്ടാകും, എങ്ങനെയാണ് ഒന്ന് തടിവെക്കുക എന്ന്. എന്നാൽ എത്ര കഴിച്ചാലും തടിവെക്കാറില്ല എന്നതാണ് സത്യം.വണ്ണം കുറയുന്നത് പോലെത്തന്നെ പലരുടെയും പ്രശ്നങ്ങളിൽഒന്നാണ് വണ്ണം ഇല്ലാത്തതും. പലരും ഇത്തരത്തിൽ വണ്ണമില്ലായ്മയെച്ചൊല്ലി പരിതപിക്കുന്നവരാകും. അമിത വണ്ണം അത്ര നല്ലതല്ല എന്ന് നമുക്കെല്ലാവർക്കും നന്നായറിയാം. എന്നാൽ ആവശ്യത്തിന് വണ്ണമില്ലാത്ത അവസ്ഥ ഒന്നാലോചിച്ചു നോക്കിയിട്ടുണ്ടോ? ആളുകൾക്കിടയിലും കൂട്ടൂകാർക്കിടയിലും പൊക്കമില്ലായ്മയെ ചൊല്ലി പരിഹാസ്യനായിട്ടുണ്ടോ? അത്തരത്തിലുള്ള അവസ്ഥകൾ അനുഭവിക്കുന്ന പലരും നമുക്കിടയിലുണ്ട്. അത്തരക്കാരോട് സ്ഥിരം പറയുന്ന കാര്യങ്ങളിൽ ഒന്നാണ് എത്ര തിന്നാലും നീ തടിവെക്കുന്നില്ലല്ലോ എന്ന്. അമിതമായി മെലിഞ്ഞ് വിളറി വെളുത്തിരിയ്ക്കുന്നത് പലപ്പോഴും കാഴ്ചയിലും സൌന്ദര്യത്തിലും ഇത്തരക്കാർക്ക് ഒരു അപകർഷാബോധം തന്നെ ഉണ്ടാകാറുണ്ട്. എന്നാൽ ഇനി അത്തരത്തിലുള്ളവർ പേടിക്കേണ്ടതില്ല. ചില പൊടിക്കൈകൾ കൊണ്ട് ഇത്തരം അവസ്ഥയെ നമുക്ക് ഇല്ലാതാക്കാം. വണ്ണവും വണ്ണമില്ലായ്മയും ഒരു പരിധിവരെ പാരമ്പര്യമാണ്. ഇതല്ലാതെ ഭക്ഷണവും പ്രധാനമേറിയതാണ്.ചില അസുഖങ്ങൾ കാരണവും ചിലർ വല്ലാതെ മെലിഞ്ഞിരിക്കാറുണ്ട്. എന്നാൽ വണ്ണം കുറക്കുന്നത് പോലെത്തന്നെ വണ്ണം കൂട്ടാനും കുറച്ച് പ്രയാസമുണ്ട്. വിപണയിലെ മരുന്നുകൾ ഉപയോഗിച്ച് മടുത്തവർക്കായി ചില പൊടിക്കൈകൾ പറഞ്ഞു തരാം.

വണ്ണം വെക്കാൻ പലരും നിർദ്ദേശിക്കുന്ന ഭക്ഷണങ്ങളിൽ ഒന്നാണ് നേന്ത്രപ്പഴം. നേന്ത്രപ്പഴം കഴിച്ച് കൊണ്ട് നമുക്ക് വളരെ പെട്ടെന്ന് തന്നെ തടി ഉണ്ടാക്കാൻ സാധിക്കും. പലപ്പോഴും ജിംനേഷ്യങ്ങളിൽ പോകുന്നവരും മറ്റും പഴങ്ങളാണ് ഉപയോഗിക്കുന്നതെന്ന് പറയേണ്ടതില്ലാല്ലോ. നല്ല വടിവൊത്ത ശരീരത്തിന് എന്ത് കൊണ്ടും നേന്ത്രപ്പഴം കഴിക്കുന്നത് നല്ലതാണ്. നേന്ത്രപ്പഴത്തിൽ ധാരാളം പോഷകങ്ങൾ അടങ്ങിയിട്ടുണ്ട് എന്ന് പറയേണ്ടതില്ലാല്ലോ. അത് കൊണ്ട് തന്നെ ആരോഗ്യപരമായും നേന്ത്രപ്പഴം കഴിക്കുന്നത് ഏറെ ഉത്തമമാണ്. സാധാരണ രീതിയിൽ നേന്ത്രപ്പഴം കഴിക്കുന്നതിനേക്കാൾ കൂടുതൽ ഗുണമുള്ളത് ലേഹ്യം ഉണ്ടാക്കി കഴിക്കുന്നതാണ്. ആരോഗ്യകരമായി വണ്ണം വെക്കാനും തൂക്കം കൂടാനും ഇത് നല്ലതാണ്.

ആരോഗ്യകരമായി വണ്ണം വെക്കാൻ നേന്ത്രപ്പഴം ലേഹ്യം കഴിക്കാം എന്ന് പറഞ്ഞുവല്ലോ. എങ്ങനെയാണ് നേന്ത്രപ്പഴ ലേഹ്യം ഉണ്ടാക്കുക എന്ന് നമുക്ക് ആദ്യം നോക്കാം. നല്ല പഴുത്ത പഴമാണ് ഈ ലേഹ്യം ഉണ്ടാക്കാൻ എടുക്കേണ്ടത്. നല്ല പോലെ പഴുത്തത് എന്ന് പറയുമ്പോൾ പലപ്പോഴും കടയിൽ തൂക്കിയിട്ടിരിക്കുന്ന പഴങ്ങളിൽ ചില കറുത്ത പഴങ്ങളുണ്ടാകും. ഇത്തരത്തിലുള്ള പഴങ്ങളാണ് വേണ്ടത്. പെട്ടെന്ന് വെന്ത് കിട്ടാൻ ഇത് നല്ലതാണ്. മാത്രമല്ല പഴുത്ത പഴത്തിൽ ട്രിപ്റ്റോഫാമൻ കൂടുതലായി അടങ്ങിയിട്ടുണ്ട്. സാധാരണയായി കറുത്ത തൊലിയുള്ള പഴങ്ങൾ നമ്മൾ ഒഴിവാക്കാറാണുള്ളത്. എന്നാൽ കറുത്ത തൊലികളുള്ള പഴത്തിൽ ധാരാളം ആരോഗ്യ ഗുണങ്ങളുണ്ടെന്നാണ് വിദഗ്ദർ പറയുന്നത്.

ഏത്തപ്പഴം, തേങ്ങാപ്പാൽ, ശർക്കര, നെയ്യ് എന്നിവയാണ് ആവശ്യമുള്ള സാദനങ്ങൾ. 3 ഏത്തപ്പഴം, 100 ഗ്രാം വീതം തേങ്ങാപ്പാലും ശർക്കരയും, 50 ഗ്രാം നെയ്യ് എന്നിങ്ങനെയാണ് അളവുകൾ. എന്നാൽ പഴത്തിന്റെ അളവ് കൂടുന്നതിനും കുറയുന്നതിനും അനുസരിച്ച് ഈ അളവുകളിലും വിത്യാസമുണ്ടാകും. പ്രത്യേകം ശ്രദ്ധിക്കേണ്ട കാര്യം എന്താണെന്ന് വെച്ചാൽ പഴം എടുക്കുമ്പോൾ നന്നായി പഴുത്ത പഴം എടുക്കുക എന്നതാണ്. നേരത്തെ പറഞ്ഞുവല്ലോ, നന്നായി പഴുത്ത പഴത്തിലാണ് ഏറ്റവും കൂടുതൽ പോഷകങ്ങൾ അടങ്ങിയിട്ടുള്ളത്. പലരും ഇത്തരത്തിലുള്ള പഴങ്ങൾ ഒഴിവാക്കാറാണ് പതിവ്.

പഴം തോൽ കളഞ്ഞ് നല്ലതു പോലെ മിക്സിയിൽ അടിച്ചെടുക്കുക. നല്ല പഴുത്ത പഴം ആയത് കൊണ്ട് തന്നെ വളരെ പെട്ടെന്ന് നല്ല പോലെ മിക്സ് ചെയ്ത് കിട്ടും. ആവശ്യമെങ്കിൽ മാത്രം അൽപം വെള്ളം ഇതിലേക്ക് ചേർക്കുക. ശേഷം ഒരു പാത്രത്തിൽ ഇത് വാങ്ങിവെക്കുക. ഇനി അടി കട്ടിയുള്ള ഒരു ചട്ടി എടുക്കുക. കുറച്ച് നെയ്യ് ഒഴിച്ച് ചൂടാക്കുക. നേരത്തെ പറഞ്ഞ പോലെ ആവശ്യത്തിനനുസരിച്ച് നെയ്യിന്റെ അളവുകൾ കുറക്കുകയും കൂട്ടുകയും ചെയ്യാവുന്നതാണ്. ഇത് നന്നായി ചൂടാകുമ്പോൾ മിക്സ് ചെയ്ത പഴം പാത്രത്തിലേക്ക് ഇടുക. ഇത് നല്ല വണ്ണം ഇളക്കി കൊണ്ടിരിക്കുക.

നെയ്യിൽ മിക്സ് ചെയ്ത പഴം ഇളക്കി കഴിഞ്ഞ് കുറുകി വരുമ്പോൾ ഇതിലേക്ക് ശർക്കര ചേർക്കുക. ശർക്കര പൊടിച്ച് ദ്രവ രൂപത്തിലാക്കാൻ പ്രത്യേകം ശ്രദ്ധിക്കണം. ഇതാണ് പഴത്തിലേക്ക് ഒഴിക്കേണ്ടത്. അതായത് നേരത്തെ തന്നെ കുറച്ച് വെള്ളമെടുത്ത് ശർക്കര അതിൽ ലയിപ്പിക്കണമെന്ന് അർത്ഥം. ഇത് മൂന്നും ചേർത്ത് നല്ല പോലെ ഇളക്കുക. ഒരു വിധത്തിൽ വേവാകുമ്പോൾ തേങ്ങാപ്പാൽ ചേർത്ത് ഇളക്കുക. ഏപ്പോഴും ഇളക്കിക്കൊണ്ടിരിക്കാൻ ശ്രദ്ധിക്കണം. നല്ല പോലെ വെന്തു കഴിഞ്ഞാൽ ഇരുണ്ട നിറത്തിൽ ലേഹ്യപ്പരുവത്തിലാകും. ഇതിൽ വീണ്ടും അൽപം നെയ്യൊഴിച്ച് ഇളക്കി വെള്ളം വറ്റിച്ചെടുക്കുക. ഇതിലേക്ക് അൽപം ഏലയ്ക്കാ പൊടിച്ച് ചേർക്കാവുന്നതാണ്.

ആരോഗ്യകരമായ വണ്ണം ഉണ്ടാക്കാനുള്ള വഴിയാണല്ലോ പറഞ്ഞു വരുന്നത്. മേൽ പറഞ്ഞ വിധത്തിൽ ലേഹ്യം ഉണ്ടാക്കി കഴിഞ്ഞാൽ എപ്പോഴൊക്കെയാണ് കഴിക്കേണ്ടത് എന്നും ശ്രദ്ധിക്കേണ്ടതുണ്ട്. രാവിലെയും രാത്രിയും ഓരോ ടേബിൾ സ്പൂൺ വീതമാണ് ഇത് കഴിക്കേണ്ടത്. വെറുതെ ഇത് കഴിച്ചാൽ മാത്രം പോര. ഇതിന്റെ കൂടെ ഒരു ഗ്ലാസ് വെള്ളവും കുടിക്കണം. ആരോഗ്യം ഏറെ മെച്ചപ്പെടാനും ശരീരം പുഷ്ടിപ്പെടാനും ഇത് ഏറെ ഗുണം ചെയ്യും എന്ന് പ്രത്യേകം പറയേണ്ടതില്ലാല്ലോ. ഇത്തരത്തിൽ ഈ ലേഹ്യം കഴിച്ചു തുങ്ങുമ്പോൾ വളരെ പെട്ടെന്ന് തന്നെ നിങ്ങളിൽ മാറ്റങ്ങൾ കണ്ട് തുടങ്ങും.

പ്രായഭേദമന്യേ കുട്ടികൾക്കും മുതിർന്നവർക്കും ഇത് ഒരു പോലെ ഉപയോഗിക്കാവുന്നതാണ്, എന്ന് മാത്രമല്ല നാടൻ ചേരുവകൾ മാത്രം ചേർത്ത് വീട്ടിൽ ഉണ്ടാക്കുന്നത് കൊണ്ട് തന്നെ വളരെ ഏറെ ഗുണകരമാണ്. പലപ്പോഴും എല്ലാ തരത്തിലുമുള്ള ആളുകളും ഇത്തരത്തിലുള്ള അവസ്ഥകളെ നേരിടുന്നവരാണ്. വണ്ണമില്ലായ്മയും ശരീര പുഷ്ടിക്കും വേണ്ടി ഒരുപാട് വഴികൾ പരീക്ഷിച്ച് മടുത്തവരായിരിക്കും. പലപ്പോഴും ഒന്നും ഫലിക്കാതെ വരുമ്പോൾ നിരാശപ്പെട്ട് പരിഹാസവും ഏറ്റ് വാങ്ങി മിണ്ടാതെയിരിക്കുന്നവരായിരിക്കും പലരും. എന്നാൽ അത്തരക്കാർ ഈ ലേഹ്യം ഒന്ന് പരീക്ഷിച്ച് നോക്കൂ.

പലപ്പോഴും നിങ്ങളുടെ മനസ്സിലേക്ക് ഓടിയെത്താൻ സാധ്യതയുള്ള ഒരു ചോദ്യമാണ് എന്ത് കൊണ്ട് തടി വെക്കാൻ നേന്ത്രപ്പഴ ലേഹ്യം എന്ന്. നേന്ത്രപ്പഴത്തിൽ ധാരാളം പോഷകങ്ങളും വിറ്റാമിനുകളും അടങ്ങിയിട്ടുണ്ട് എന്ന് പറയേണ്ടതില്ലാല്ലോ. മാത്രമല്ല ധാതുക്കളുടെ ഒരു കലവറ തന്നെയാണ് ഏത്തപ്പഴം. അത് കൊണ്ട് തന്നെ വണ്ണം വെക്കാനും ശരീര ആരോഗ്യത്തിനും വളരെ ഏറെ ഗുണം ചെയ്യുന്ന ഒന്നാണ് നേന്ത്രപ്പഴം. അത് കൊണ്ട് തന്നെയാണ് ശരീരത്തിന് ഏറ്റവു ഗുണകരമായ ഭക്ഷണമാണ് നേന്ത്രപ്പഴം എന്ന് പറയുന്നതും.

READMORE : ഇടുക്കിയിൽ വിരുന്നെത്തിയ നീലക്കുറിഞ്ഞി വസന്തം അവസാനിച്ചു

Related posts

കാസർഗോഡ് ഓൺലൈനിൽ വരുത്തിച്ച കുഴിമന്തി കഴിച്ച് പെൺകുട്ടി മരിച്ചു.

Sree

നടന്‍ അരുണ്‍ ബാലി അന്തരിച്ചു

Editor

വൃത്തിഹീനം: കുന്നത്തങ്ങാടി ഊട്ടുപുര ഹോട്ടൽ പൂട്ടിച്ച് ആരോഗ്യ വകുപ്പ്.

Sree

Leave a Comment