കോഴിക്കോട് മുക്കത്ത് ലഹരി മാഫിയ സംഘത്തിൻ്റെ ആക്രമണത്തിൽ അഥിതി തൊഴിലാളിക്ക് പരിക്ക്. വർക്ക് ഷോപ് ജീവനക്കാരനായ തമിഴ്‌നാട് സ്വദേശി ചിന്നദുരൈക്കാണ് പരിക്കേറ്റത്. ഇയാളുടെ പരാതിയിൽ കണ്ടാലറിയാവുന്ന 10 പേർക്കെതിരെ പോലീസ് കേസെടുത്തു. കഴിഞ്ഞ ദിവസം സമീപത്തെ കട ലഹരിസംഘം അടിച്ചുതകർത്തിരുന്നു.
ഇന്നലെ രാത്രി 12 മണിയോടെയാണ് സംഭവം നടക്കുന്നത്. രാത്രി വർക്ക് ഷോപ്പിലെത്തിയ അക്രമ സംഘം ഇയാളെ അക്രമിക്കുകയും ജീപ്പ് ഓടിച്ചുകയറ്റി അപായപ്പെടുത്താൻ ശ്രമിക്കുകയുമായിരുന്നു. പരിക്കേറ്റ ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ പരാതി നൽകി മണിക്കൂറുകൾക്കകമാണ് വീണ്ടും ആക്രമണം ഉണ്ടായത്. സമീപ ദിവസങ്ങളിലായി മൂന്നാം തവണയാണ് പ്രദേശത്ത് ലഹരി സംഘത്തിൻ്റെ ആക്രമണം ഉണ്ടാവുന്നത്. ഇതിനെതിരെ ശക്തമായ നടപടി എടുക്കണമെന്നാണ് നാട്ടുകാരുടെ ആവശ്യം.
