ഒക്ടോബർ 2ന് തുടങ്ങിയ വനം വന്യജീവി വാരാഘോഷത്തിൻ്റെ ഭാഗമായി കുമളിയിൽ ജനബോധന റാലി നടത്തി. പ്രകൃതി സംരക്ഷണത്തിൻ്റെ പ്രാധാന്യത്തെ കുറിച്ച് ബോധവൽക്കരണം നടത്തുക എന്ന ലക്ഷ്യത്തോടെയായിരുന്നു റാലി. കുമളി ഹൈസ്കൂൾ അങ്കണത്തിൽ നിന്നാണ് വന്യജീവി വാരാഘോഷത്തിൻ്റെ ഭാഗമായുള്ള റാലി തുടങ്ങിയത്. കുമളി പഞ്ചായത്തിലെ വിവിധ സ്കൂളുകളിൽ നിന്നും കോളേജുകളിൽ നിന്നുമുള്ള ആയിരത്തോളം വിദ്യാർത്ഥികൾ റാലിയിൽ പങ്കെടുത്തു. താളമേളങ്ങളും നിശ്ചല ദൃശ്യങ്ങളും റാലി കൂടുതൽ മനോഹരമാക്കി. റാലി കുമളി ടൗൺ ചുറ്റി ഹോളിഡേ ഹോമിൽ സമാപിച്ചു.
