കേളം അടക്കാത്തോട് സ്വദേശികളായ 4 പേരെ തലപ്പുഴ പോലീസ് ആണ് അറസ്ററ് ചെയ്തത്. 2023 ഓഗസ്റ്റ് മുതലാണ് മേഖലയിൽ നിന്ന് പതിവായി ആടുകളെ കാണാതായത്. വന്യ മൃഗങ്ങൾ ഇറങ്ങാൻ സാധ്യത ഇല്ലാത്ത പ്രദേശമാണ്. ഉടമകൾ തലപ്പുഴ പോലീസിൽ പരാതി നൽകി. തുടർന്ന് പോലീസ് അന്വേഷണം തുടങ്ങി. cctv കേന്ദ്രീകരിച്ചായിരുന്നു പോലീസ് നീങ്ങിയത്. ആദ്യം മോഷണ വാഹനമാണ് കണ്ടെത്തിയത്. പിന്നാലെ മോഷ്ടാക്കളിലേക്കെത്തി. ഒത്തുതീർപ്പിനെന്നു പറഞ്ഞു പ്രതികളെ വിളിച്ചു വരുത്തിയാണ് അറസ്ററ് ചെയ്തത്. അടക്കാത്തോട് സ്വദേശികളായ പുതുപ്പറമ്പിൽ സക്കീർ, ജാഫർ സാജിദ്, മരുതകത്ത് ബേബി, ഇബ്രാഹിം എന്നിവരാണ് പിടിയിലായ പ്രതികൾ. മോഷണത്തിനുപയോഗിച്ച വാഹനങ്ങൾ പോലീസ് കസ്റ്റഡിയിലെടുത്തു. കൂടുതൽ സ്ഥലത്തുനിന്ന് പ്രതികൾ ആടുകളെ മോഷ്ടിച്ചിട്ടുണ്ടോ എന്ന് പോലീസ് പരിശോധിക്കുന്നുണ്ട്.
