പരാതികളും രേഖകളും സഞ്ചിയിലാക്കി കഴുത്തില് തൂക്കി.ഗ്രാമപഞ്ചായത്തുമായുള്ള തര്ക്കമാണ് ആത്മഹത്യയ്ക്ക് കാരണമെന്നാണ് നാട്ടുകാര് പറയുന്നത്.
മലപ്പുറം പുളിക്കല് പഞ്ചായത്ത് ഓഫീസില് മധ്യവയസ്കന് തൂങ്ങിമരിച്ചു. മൊയിന് കുട്ടി വൈദ്യര് സ്മാരക സമിതി മുന് സെക്രട്ടറി റസാക്ക് പഴംപൊറോട്ട് എന്ന ആളെയാണ്,
തൂങ്ങിമരിച്ച നിലയില് കണ്ടെത്തിയത്. പരാതികളും രേഖകളും സഞ്ചിയിലാക്കി കഴുത്തില് തൂക്കിയ നിലയിലാണ് മൃതദേഹം കാണപ്പെട്ടത്. ഗ്രാമപഞ്ചായത്തുമായുള്ള തര്ക്കമാണ് ആത്മഹത്യയ്ക്ക് കാരണമെന്നാണ് നാട്ടുകാര് പറയുന്നത്.
സ്വകാര്യ വ്യക്തിയുടെ പ്ലാസ്റ്റിക് മാലിന്യ പ്ലാന്റുമായി ബന്ധപ്പെട്ട് റസാഖ് തര്ക്കത്തില് ആയിരുന്നു. വിഷയം പരിഹരിക്കാന് നിരവധി തവണ പഞ്ചായത്തിന് പരാതി നല്കുകയും സോഷ്യല് മീഡിയകളിലൂടെ ആവശ്യപ്പെടുകയും ചെയ്തിരുന്നു. എന്നാല് ഇതുവരെ പരിഹാരം കാണാന് കഴിഞ്ഞിരുന്നില്ല. കൊണ്ടോട്ടി പൊലീസ് സ്ഥലത്തെത്തി. സംഭവത്തില് കൂടുതല് അന്വേഷണം നടക്കുകയാണ്.