ഹൃദയത്തിൽ പേസ് മേക്കറുമായി എവറസ്റ്റ് കീഴടക്കാൻ ശ്രമം; ഇന്ത്യൻ വനിതയ്ക്ക് ദാരുണാന്ത്യം
പേസ് മേക്കർ ഘടിപ്പിച്ച് എവറസ്റ്റ് കീഴടക്കിയ ഏഷ്യയിലെ ആദ്യ വനിതയായി പുതിയ ലോക റെക്കോർഡ് സൃഷ്ടിക്കാനുള്ള ശ്രമത്തിനിടെയാണ് അന്ത്യം .
ഹൃദയത്തിൽ പേസ് മേക്കർ (pacemaker) ഘടിപ്പിച്ച് എവറസ്റ്റ് കീഴടക്കിയ ഏഷ്യയിലെ ആദ്യ വനിതയായി പുതിയ ലോക റെക്കോർഡ് സൃഷ്ടിക്കാൻ ലക്ഷ്യമിട്ട് നടത്തിയ ഇന്ത്യൻ വനിതയുടെ ശ്രമം വിഫലം. പർവതാരോഹണത്തിനിടെ സൂസാൻ ലിയോപോൾഡിന ജീസസ് മൗണ്ട് എവറസ്റ്റ് ബേസ് ക്യാമ്പിലെ പരിശീലനത്തിനിടെ മരണപ്പെട്ടു. 59 വയസായിരുന്നു. ക്യാമ്പിൽ വെച്ച് ബുദ്ധിമുട്ടനുഭവപ്പെട്ടതിനെ തുടർന്ന് സോലുഖുംബു ജില്ലയിലെ ലുക്‌ല ടൗണിലെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ലെന്ന് നേപ്പാൾ ടൂറിസം ഡിപ്പാർട്ട്‌മെന്റ് ഡയറക്ടർ യുവരാജ് ഖതിവാഡ പറഞ്ഞു.
ബേസ് ക്യാമ്പിലെ അക്ലിമൈസേഷൻ അഭ്യാസത്തിനിടെ സാധാരണ വേഗത നിലനിർത്തുന്നതിൽ പരാജയപ്പെട്ടതിനെ തുടർന്ന് പേസ് മേക്കർ ഘടിപ്പിച്ച സൂസെയ്നോട് എവറസ്റ്റ് കൊടുമുടി കീഴടക്കാനുള്ള ശ്രമം ഉപേക്ഷിക്കാൻ ആവശ്യപ്പെട്ടതായി ഖതിവാഡ പറഞ്ഞു. 8,848.86 മീറ്റർ ഉയരമുള്ള കൊടുമുടിയിൽ കയറേണ്ടിവരുമെന്ന് ഉറപ്പിച്ചുപറഞ്ഞ് സൂസെയ്ൻ ഈ ഉപദേശം ശക്തമായി നിരസിച്ചു, പർവതത്തിൽ കയറാനുള്ള അനുവാദം വാങ്ങുന്നതിനുള്ള ഫീസ് നേരത്തെ അടച്ചിരുന്നു.
എവറസ്റ്റ് ബേസ് ക്യാമ്പിന് അൽപ്പം മുകളിലായി 5,800 മീറ്റർ ഉയരത്തിൽ കയറിയ സുസൈനെ ബുധനാഴ്ച വൈകുന്നേരം ബലപ്രയോഗത്തിലൂടെ ലുക്‌ല ടൗണിലെത്തിക്കുകയും ആശുപത്രിയിൽ ചികിത്സയ്ക്കായി പ്രവേശിപ്പിക്കുകയും ചെയ്തതായി പര്യവേഷണ സംഘാടകനായ ഗ്ലേസിയർ ഹിമാലയൻ ട്രെക്കിന്റെ ചെയർമാൻ ഡെൻഡി ഷെർപ്പ പറഞ്ഞു.
കേവലം 250 മീറ്റർ നീളമുള്ള ബേസ് ക്യാമ്പിന് മുകളിലുള്ള ക്രോംപ്ടൺ പോയിന്റിൽ എത്താൻ അഞ്ച് മണിക്കൂറിലധികം സമയമെടുത്തതിനാൽ എവറസ്റ്റ് കൊടുമുടി കയറാൻ അവർക്കാകില്ലെന്ന് ചൂണ്ടിക്കാട്ടി ഷെർപ്പ ടൂറിസം വകുപ്പിന് കത്തെഴുതി.
സുസൈന്റെ മൃതദേഹം വ്യാഴാഴ്ച ഉച്ചയോടെ കാഠ്മണ്ഡുവിലേക്ക് കൊണ്ടുപോയി, പോസ്റ്റ്‌മോർട്ടത്തിനായി മഹാരാജ്‌ഗഞ്ച് മുനിസിപ്പാലിറ്റിയിലെ ത്രിഭുവൻ യൂണിവേഴ്‌സിറ്റി ടീച്ചിംഗ് ഹോസ്പിറ്റലിലേക്ക് കൊണ്ടുപോയി, ഷെർപ്പ പറഞ്ഞു. കുടുംബാംഗങ്ങളെ വിവരം അറിയിച്ചു, വെള്ളിയാഴ്ച വൈകുന്നേരത്തോടെ അവർ കാഠ്മണ്ഡുവിൽ എത്തുമെന്ന് പ്രതീക്ഷിക്കുന്നു.
