6 ട്രെയിനുകൾ പൂർണമായി റദ്ദാക്കി, ട്രെയിനുകൾ പുറപ്പെടുന്ന സമയത്തിലും മാറ്റമുണ്ട്
ട്രാക്കിൽ അറ്റകുറ്റപ്പണി നടക്കുന്നതിനാൽ സംസ്ഥാനത്ത് ഇന്നും ട്രെയിൻ നിയന്ത്രണം തുടരും. ഇതിന്റെ ഭാഗമായി 6 ട്രെയിനുകൾ പൂർണമായി റദ്ദാക്കി. മധുര-തിരുവനന്തപുരം അമൃത എക്‌സ്പ്രസ്, നിലമ്പൂർ റോഡ്- കൊച്ചുവേളി രാജറാണി എക്‌സ്പ്രസ്, ലോകമാന്യതിലക്-കൊച്ചുവേളി ഗരീബ്‍രഥ് എന്നിവ പൂർണമായും റദ്ദാക്കി.
ആലപ്പുഴ വഴിയുള്ള ഗുരുവായൂർ-ചെന്നൈ എഗ്മോർ എക്‌സ്പ്രസ് കോട്ടയം വഴിയാക്കി മാറ്റി. നിലമ്പൂർ റോഡ് -കോട്ടയം എക്‌സ്പ്രസ് ആവട്ടെ അങ്കമാലിയിൽ യാത്ര അവസാനിപ്പിക്കും. കണ്ണൂർ-എറണാകുളം എക്‌സ്പ്രസ് തൃശൂരിലും യാത്ര അവസാനിപ്പിക്കും.
ട്രെയിനുകൾ പുറപ്പെടുന്ന സമയത്തിലും മാറ്റമുണ്ട്. മംഗലാപുരത്ത് നിന്ന് തിരുവനന്തപുരത്തേയ്ക്ക് 5.30നു പുറപ്പെടുന്ന എക്‌സ്പ്രസ് 7.45ന് മാത്രമേ പുറപ്പെടൂ. മംഗലാപുരത്ത് നിന്ന് തിരുവനന്തപുരത്തേക്ക് 2.25ന് പുറപ്പെടേണ്ട എക്‌സ്പ്രസ് 6.40ന് ആയിരിക്കും യാത്ര തുടങ്ങുക. നാളത്തെ കണ്ണൂർ-ഷൊർണൂർ റൂട്ടിലെ മെമു ട്രെയിൻ കോഴിക്കോട് യാത്ര അവസാനിപ്പിക്കും. ആലപ്പുഴ-കണ്ണൂർ എക്‌സ്പ്രസ് നാളെയും 30നും കൊയിലാണ്ടിയിൽ യാത്ര അവസാനിപ്പിക്കും.
