കൊച്ചിയിലെ പി എഫ് ഓഫീസിൽ വിഷം കഴിച്ച് ജീവനൊടുക്കാൻ ശ്രമിച്ചയാൾ മരിച്ചു.തൃശ്ശൂർ പേരാമ്പ്ര സ്വദേശി ശിവരാമനാണ് മരിച്ചത്. 68 വയസായിരുന്നു. ഇന്നലെയാണ് ഇയാൾ വിഷം കഴിച്ചത്. ഗുരുതരാവസ്ഥയിൽ ശിവരാമനെ സ്വകാര്യ ആശുപത്രിയിലേക്ക് മാറ്റിയിരുന്നു. ഇന്ന് പുലർച്ചയോടെ മരിക്കുകയായിരുന്നു. സ്വകാര്യ ആശുപത്രി മോർച്ചറിയിൽ മൃതദേഹം സൂക്ഷിച്ചിട്ടുണ്ട്. ബന്ധുക്കൾ ഉൾപ്പെടെ ഉള്ളവർ ആശുപത്രയിൽ എത്തി.