തെരുവുനായ കുറുകെ ചാടി ഭിന്നശേഷിക്കാരിയായ യുവതി മരിച്ചു. വാഹനത്തിൻ്റെ നിയന്ത്രണം വിടുകയായിരുന്നു. കൊട്ടിയൂർ സ്വദേശി രമണിയാണ് മരിച്ചത്. ഇന്ന് രാവിലെയോടെയാണ് സംഭവം നടക്കുന്നത്.
കൊട്ടിയൂരിലെ കൊരിയർ സ്ഥാപനത്തിലെ ജീവനക്കാരി ആയിരുന്നു രമണി. വാഹന സർവീസിനു വേണ്ടിയാണ് രമണി ഇരുട്ടിയിൽ എത്തിയത്. സർവീസിന് ശേഷം തിരിച്ചു പോകുന്ന വഴിക്കാണ് അപകടം ഉണ്ടാകുന്നത്.
തെരുവുനായ അപ്രതീക്ഷിതമായി സ്കൂട്ടറിന് കുറുകെ ചാടുകയായിരുന്നു. നിയന്ത്രണം വിട്ട സ്കൂട്ടർ ഇറക്കത്തിലേക്ക് ചെന്ന് മറിയുകയും തല കല്ലിൽ ഇടിക്കുകയുമായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം പോസ്റ്റുമോർട്ടത്തിനായി പരിയാരം മെഡിക്കൽ കോളേജിലേക്ക് മാറ്റി.
Updated News Click Here