പൊതുതിരഞ്ഞെടുപ്പ് പടിവാതിൽക്കലെത്തി നിൽക്കുകയാണ്. മാർച്ച് 14നോ 15നോ ദേശീയ തിരഞ്ഞെടുപ്പ് കമ്മീഷൻ ലോക്സഭാ തിരഞ്ഞെടുപ്പ് തിയ്യതികൾ പ്രഖ്യാപിക്കും. രാഷ്ട്രീയ പാർട്ടികളെല്ലാം വിജയം ഉറപ്പിക്കാനുളള കഠിന പരിശ്രമത്തിലാണ്.
നരേന്ദ്ര മോദിയുടെ നേതൃത്വത്തിന്റെ ബലത്തിൽ ബിജെപി നയിക്കുന്ന എൻഡിഎ ഇക്കുറി 400 സീറ്റുകൾക്ക് മേലെയാണ് ലക്ഷ്യം വെയ്ക്കുന്നത്. അതേസമയം ബിജെപിക്കെതിരെ ഇന്ത്യ മുന്നണി രൂപീകരിച്ചാണ് കോൺഗ്രസ് അടക്കമുളള പ്രതിപക്ഷ പാർട്ടികൾ തിരഞ്ഞെടുപ്പിനെ നേരിടുന്നത്.
ഉത്തരേന്ത്യയിൽ കരുത്തരാണെങ്കിലും ദക്ഷിണേന്ത്യയിൽ ബിജെപിക്ക് ഇപ്പോഴും ചുവടുറപ്പിക്കാനായിട്ടില്ല. തെലങ്കാന, ആന്ധ്ര പ്രദേശ്, കർണാടക, തമിഴ്നാട്, കേരളം പോലുളള സംസ്ഥാനങ്ങളിൽ വിജയിക്കാൻ ബിജെപിക്ക് സാധിക്കുമോ? അതോ ബിജെപിയെ തടയാൻ ഇന്ത്യ സഖ്യത്തിന് സാധിക്കുമോ?