രാജസ്ഥാനിൽ പാകിസ്ഥാനിൽ നിന്നും എത്തിയ ഡ്രോൺ വെടിവച്ചിട്ടു. തകർന്ന ഡ്രോണിൽ നിന്നും ഹെറോയിൻ കണ്ടെത്തി. അതിർത്തി സുരക്ഷാസേനയാണ് ഡ്രോൺ വെടിവച്ചിട്ടത്. പട്രോളിംഗിലായിരുന്ന സൈന്യമാണ് ഡ്രോണിൻ്റെ ശബ്ദം കേട്ടത്. തുടർന്ന് ഡ്രോൺ കണ്ടെത്തുകയും സുരക്ഷാസേന വെടിവച്ചിടുകയുമായിരുന്നു. പിന്നീടുള്ള പരിശോധനയിലാണ് ഡ്രോണിൽ നിന്ന് 2 കിലോയിൽ അധികം വരുന്ന ഹെറോയിൻ കണ്ടെത്തിയത്. ഇതിന് 12 കോടിയിലധികം വില വരുമെന്നാണ് സൈന്യം അറിയിച്ചത്. വെടിവച്ചിട്ടതോടെ ഡ്രോൺ പൂർണമായും തകർന്നു. ഈ സംഭവത്തിൽ ആരെയും പിടികൂടാനായിട്ടില്ല . അന്വേഷണം പുരോഗമിക്കുകയാണ്.
