conjuring house
Entertainment Special Trending Now

പ്രേത വീട് വിറ്റത് കോടികൾക്ക്

കുപ്രസിദ്ധ കോൺജുറിം​ഗ് വീട് വിറ്റു. 11.72 കോടി രൂപയ്ക്കാണ് ഈ വീട് വിറ്റത്. 2013 ൽ പുറത്തിറങ്ങിയ പ്രേത ചിത്രമായ കോൺജുറിം​ഗ് ഈ വിടിനെ ആസ്പദമാക്കി ചിത്രീകരിച്ച സിനിമയാണ്. ( conjuring house sold )

1736 ലാണ് ഒറ്റപ്പെട്ട് കിടക്കുന്ന 8.5 ഏക്കറിൽ ഈ വീട് നിർമിക്കുന്നത്. അമേരിക്കയിലെ റോഡ് ഐലൻഡിൽ നിന്ന് 40 മിനിറ്റ് അകലെയാണ് വീട്. ഈ വീട്ടിൽ നിരവധി അസ്വാഭാവിക സംഭവങ്ങൾ അരങ്ങേറിയതായാണ് മുൻ ഉടമകൾ വ്യക്തമാക്കുന്നത്. 19-ാം നൂറ്റാണ്ടിൽ ഈ വീട്ടിൽ താമസിച്ചിരുന്ന ബാത്ഷേബ ഷർമന്റെ ആത്മാവാണ് പ്രശ്നങ്ങൾ സൃഷ്ടിക്കുന്നതെന്നാണ് പ്രചരിക്കുന്ന കഥ. ബാത്ഷേബ ഷർമന്റെ പ്രേതാത്മാവ് കാരണം ആ വീട്ടിൽ ആർക്കും ഒരു വർഷത്തിൽ കൂടുൽ താമസിക്കാൻ സാധിക്കാതായി. അങ്ങനെ ഷർമനെ തളയ്ക്കാൻ 1970 കളിൽ പ്രശസ്ത പാരാനോർമൽ ഇൻവെസ്റ്റി​ഗേറ്റേഴ്സായ എഡ് വാറന്റെയും ലോറെയ്ൻ വാറന്റെയും സഹായം തേടുകയായിരുന്നു. ഈ കഥയാണ് കോൺജുറിം​ഗിൽ പറഞ്ഞിരിക്കുന്നത്.

പ്രേത വീട് എന്നാണ് പേരെങ്കിലും നിരവധി പേരാണ് വീടി വാങ്ങാൻ സന്നധത അറിയിച്ച് രം​ഗത്ത് വന്നത്. പാരാനോർമൽ ഇൻവെസ്റ്റി​ഗേറ്റേഴ്സായ ജെൻ-കോറി ഹെയ്ൻസൻ ദമ്പതികളിൽ നിന്ന് 58 കാരിയായ ജാകുലിൻ നുനെസാണ് വീട് സ്വന്തമാക്കിയത്. വിൽപനക്കാരുടെ അഭ്യർത്ഥന മാനിച്ച് ഈ വീട്ടിൽ അവർ താമസിക്കില്ലെന്ന് ഉറപ്പ് നൽകിയിട്ടുണ്ട്. തങ്ങൾ താമസിച്ചിരുന്നപ്പോൾ പേടിപ്പെടുത്തുന്ന പല സംഭവങ്ങളും വീട്ടിൽ അരങ്ങേറിയിരുന്നതായി ഇരുവരും വിദേശമാധ്യമമായ വോൾ സ്ട്രീറ്റ് ജേണലിനോട് വ്യക്തമാക്കി.

Related posts

കടുത്ത സാമ്പത്തിക പ്രതിസന്ധി; സംസ്ഥാനത്തെ ടൂറിസ്റ്റ് ബസ്സ് ഉടമകൾ ബസ്സുകൾ കൂട്ടത്തോടെ വിൽക്കുന്നു

Editor

വിവാഹത്തിന് മുൻപുള്ള പൂജകൾ നടത്തി ഹൻസിക; ചിത്രങ്ങൾ

Editor

കർണാടകയിൽ ബിജെപി-ജെഡിഎസ് സഖ്യം പിണറായി വിജയന്റെ അറിവോടെ; എച്ച് ഡി ദേവഗൗഡ

Akhil

1 comment

Leave a Comment