തിരുവല്ലയിൽ മാരകായുധങ്ങളുമായി വീട് കയറി ആക്രമണം നടത്തിയ ഗുണ്ടാത്തലവനും കൂട്ടാളികളും പിടിയിൽ. കഞ്ചാവ് മാഫിയയെ കുറിച്ച് പൊലീസിന് വിവരം കൈമാറിയതിൻ്റെ പ്രതികാരമായിട്ടാണ് ആക്രമണം നടത്തിയത്. ഗുണ്ടാത്തലവനായ നിബിൻ ജോസഫ് , ചങ്ങനാശ്ശേരി സ്വദേശികളായ കണ്ണൻ അൻസിൽ റഹ്മാൻ എന്നിവരാണ് പിടിയിലായത്. ഇന്നലെ വൈകീട്ടാണ് ജയൻ്റെ വീട്ടിൽ മാരകായുധങ്ങളുമായി എത്തിയ ഗുണ്ടാസംഘം ആക്രമണം നടത്തിയത്. ജയൻ്റെ മകനാണ് ഇവർ കഞ്ചാവ് വില്പന നടത്തുന്നതിൻ്റെ വിവരങ്ങൾ പൊലീസിന് കൈമാറിയത്. അതിൻ്റെ പ്രതികാരമായാണ് സംഘം ആക്രമണം നടത്തിയത്.