ഗുജറാത്തിൽ ബിസിനസ് ഇടപാടുമായി ബന്ധപ്പെട്ട തർക്കത്തെ തുടർന്ന് യുവതിക്ക് ക്രൂരമർദ്ദനമേറ്റു. 24 കാരിയെ വലിച്ചിഴച്ചാണ് മർദ്ദിച്ച് അവശയാക്കിയത്. അഹമ്മദാബാദിലാണ് സംഭവം നടന്നത് . സംഭവത്തിൽ പ്രതിക്കായുള്ള അന്വേഷണം പോലീസ് ആരംഭിച്ചു. സംഭവത്തിൻ്റെ ദൃശ്യങ്ങൾ പരിസരത്ത് സ്ഥാപിച്ചിരുന്ന സിസിടിവി ക്യാമറയിൽ പതിഞ്ഞിട്ടുണ്ട്.
യുവതിയുടെ വസ്ത്രം വലിച്ചുകീറിയ യുവാവ് തുടർച്ചയായി അവരെ മർദിക്കുകയും വലിച്ചെറിയുന്നതും വീഡിയോയിൽ കാണാം. യുവതിയുടെ തല പിടിച്ച് ചെടിച്ചട്ടിയിൽ ഇടിപ്പിച്ചാണ് ഗുരുതരമായി പരുക്കേൽപ്പിക്കുന്നത്. വ്യാഴാഴ്ച വീഡിയോ വൈറലായതോടെയാണ് പൊലീസ് അന്വേഷണം ആരംഭിച്ചത്.