ആഗോള തലത്തിൽ തന്നെ ആരോഗ്യ മേഖലയിൽ മൂന്നാം സ്ഥാനമാണ് ഫർമസിസ്റ്റ് വിഭാഗം കൈവരിച്ചിരിക്കുന്നത്. എന്നാൽ ഫർമസിസ്റ്റുകളുടെ പ്രാധാന്യം ഇപ്പോഴും മനസിലാകാത്ത സാഹചര്യങ്ങൾ ധാരാളമാണ്. ഫർമസിസ്റ്റുകളുടെ പ്രാധാന്യം പൊതുജനങ്ങൾക്ക് മനസിലാക്കുക എന്ന ഉദ്ദേശ്യത്തോടെയാണ് സെപ്റ്റംബർ 25 ലോക ഫർമസിസ്റ്റ് ദിനമായി ആചരിക്കുന്നത്.
ഔഷധ ഗവേഷണം, നിര്മ്മാണം മുതല് വിതരണം വരെയുള്ള എല്ലാ മേഖലകളിലും പ്രാവീണ്യം കൈവരിച്ചിട്ടുള്ള ഇവർ പൊതുജനാരോഗ്യ പരിപാലന രംഗത്ത് വലിയ സേവനമാണ് നടത്തുന്നത്. കൊറോണ, നിപ തുടങ്ങി പല രീതിയിലുള്ള മഹാമാരിയെ പ്രധിരോധിച്ചവരാണ് ജനങ്ങൾ. ഇതിനു പിന്നിൽ രാപ്പകലില്ലാതെ പ്രവർത്തിച്ച ഫർമസിസ്റ്റുകളുടെ കൈകളെ ഓർക്കേണ്ടത് പൊതുജനങ്ങളുടെ ഉത്തരവാദിത്വമാണ്.