ട്രെയിനിന് അടിയിൽ പെട്ട് വയോധികയുടെ രണ്ട് കാലുകളും അറ്റു. പാലക്കാട് ഒലവക്കോട് റെയിൽവേ സ്റ്റേഷനിലാണ് സംഭവം. പാലക്കാട് അഗളി സ്വദേശി മേരികുട്ടിക്കാണ് അപകടം പറ്റിയത്. ട്രെയിനിൽ കയറുമ്പോഴായിരുന്നു സംഭവം. മേരിക്കുട്ടി കയറുമ്പോഴേക്കും ട്രെയിൻ മുന്നോട്ടുപോവുകയായിരുന്നു. തുടർന്ന് ട്രെയിനിനടിയിൽ പെടുകയായിരുന്നു. പാലക്കാട് ജില്ലാ ആശുപത്രിയിൽ പ്രവേശിപ്പിച്ച മേരികുട്ടിയെ പിന്നീട് മെഡിക്കൽ കോളേജിലേക്ക് മാറ്റി.
