ബ്രഹ്മോസ് മിസൈലുകളുടെ കയറ്റുമതി ചെയ്യാൻ ഇന്ത്യ. D R D O ചെയർമാനാണ് ഇക്കാര്യം വ്യക്തമാക്കിയത്. മാർച്ചോടെ കയറ്റുമതി തുടങ്ങാനാകുമെന്ന് അദ്ദേഹം കൂട്ടിച്ചേർത്തു. ഇന്ത്യയും റഷ്യയും സംയുക്തമായി സഹകരിച്ചുകൊണ്ട് നിർമിച്ച മിസൈൽ സംവിധാനമാണ് ബ്രഹ്മോസ്. കരയിൽ നിന്നും വിമാനങ്ങളിൽ നിന്നും അന്തര്വാഹിനികളിൽ നിന്നും തൊടുക്കാനാകുന്ന മിസൈൽ സംവിധാനത്തിൻ്റെ വില്പനയിലേക്ക് ഇന്ത്യ കടന്നിരിക്കുകയാണ്. ആദ്യ ഘട്ടത്തിൽ ഇന്ത്യയുമായി സൗഹൃദമുള്ള രാജ്യങ്ങൾക്കായിരിക്കും വില്പന നടത്തുക.
