ഡല്‍ഹി മുഖര്‍ജി നഗറില്‍ തീപിടിത്തം. ബത്ര സിനിമയ്ക്ക് സമീപമുള്ള ഗ്യാന കെട്ടിടത്തിലാണ് തീപിടിത്തമുണ്ടായത്. നിരവധി കോച്ചിങ് സെന്ററുകള്‍ പ്രവര്‍ത്തിക്കുന്ന കെട്ടിടമാണിത്. കെട്ടിടത്തിന്റെ ജനലുകളിലൂടെ ചാടിയാണ് വിദ്യാര്‍ത്ഥികള്‍ രക്ഷപ്പെട്ടത്. ഇതിനിടെ 4 വിദ്യാര്‍ത്ഥികള്‍ക്ക് പരിക്കേറ്റതായും റിപ്പോര്‍ട്ടുണ്ട്. തീ അണയ്ക്കാനായി 11 ഫയര്‍ എഞ്ചിനുകള്‍ സ്ഥലത്ത് എത്തിയിട്ടുണ്ട്.
ഡല്‍ഹി യൂണിവേഴ്സിറ്റിക്ക് സമീപമുള്ള കെട്ടിടത്തിന് 12 മണിയോടെ തീപിടിച്ചതായാണ് വിവരം. ഈ സംഭവത്തിന്റെ വീഡിയോയും പുറത്ത് വന്നിട്ടുണ്ട്. കെട്ടിടത്തില്‍ തീപിടിത്തമുണ്ടായതിന് പിന്നാലെ വിദ്യാര്‍ത്ഥികള്‍ ജനാലകളിലൂടെ പുറത്തിറങ്ങുന്നതായി ദൃശ്യങ്ങളില്‍ കാണാം.
