മുൻ മുഖ്യമന്ത്രി ഉമ്മൻ ചാണ്ടിയോടുള്ള ആദര സൂചകമായി നാളെ പ്രഖ്യാപിക്കാനിരുന്ന സംസ്ഥാന ചലച്ചിത്ര പുരസ്കാര പ്രഖ്യാപനം മാറ്റിവച്ചു. മാറ്റിയ തിയതി ജൂലൈ മാസം 21 ആണ്. സെക്രട്ടറിയേറ്റിലെ പി.ആർ. ചേമ്പറിൽ വൈകുന്നേരം മൂന്നു മണിക്കാകും പ്രഖ്യാപനം. സാംസ്കാരിക വകുപ്പ് മന്ത്രി സജി ചെറിയാനാകും അവാര്ഡുകള് പ്രഖ്യാപിക്കുക.
വിവിധ വിഭാഗങ്ങളിലായി 154 ചിത്രങ്ങളാണ് ഇത്തവണ പുരസ്കാരത്തിനായി സമര്പ്പിക്കപ്പെട്ടത്. ഇതില് നിന്ന് രണ്ട് പ്രാഥമിക ജൂറികള് തെരഞ്ഞെടുത്ത 42 ചിത്രങ്ങള് ജൂറികള് കണ്ടു. അന്തിമഘട്ടത്തിലേക്ക് തെരഞ്ഞെടുത്ത പത്ത് സിനിമകള് ജൂറി ചെയര്മാനും ബംഗാളി ചലച്ചിത്രകാരനുമായ ഗൗതം ഘോഷിന്റെ നേതൃത്വത്തിലുള്ള സംഘം വിലയിരുത്തും.