പയ്യന്നൂരിലെ ഗാന്ധി പ്രതിമയുടെ കൈയിൽ വടി തിരുകി കയറ്റി അനാദരവ് കാണിച്ച സംഭവത്തിൽ പയ്യന്നൂർ പോലീസ് കെസെടുത്ത്‌ അന്വേഷണം ആരംഭിച്ചു .പയ്യന്നൂർ ബ്ലോക്ക്‌ കോൺഗ്രസ്‌ പ്രസിഡൻ്റ് കെ ജയരാജിൻ്റെ പരാതിയിലാണ് കേസെടുത്തത്. സ്വാതന്ത്ര്യ സമര കാലത്ത് ഗാന്ധിജിയുടെ സന്ദർശന വേളയിൽ അദ്ദേഹത്തിന്റെ പ്രായം കണക്കാക്കി വടിയില്ലാത്ത പ്രതിമയാണ് പയ്യന്നൂർ ഗാന്ധി പാർക്കിൽ സ്ഥാപിച്ചത്. ഈ പ്രതിമയിലാണ് വടി തിരുകി കയറ്റി അനാദരവ് കാണിച്ചത്. പരാതിക്കാരന്റെ മൊഴി രേഖപ്പെടുത്തിയ ശേഷം കലാപം സൃഷ്ടിക്കാനുള്ള ശ്രമം ഉൾപ്പടെയുള്ള വകുപ്പുകൾ പ്രകാരമാണ് കേസെടുത്തത്.
