ഇടുക്കി കോഴിമല അംമ്പലഭാഗം കാക്കനാട് സുമേഷിൻ്റെ വീടാണ് ഇടിഞ്ഞു വീണത്. ഇന്നലെ രാത്രി എട്ടരയോടെയോടെയായിരുന്നു സംഭവം. ശക്തമായ മഴയെയും കാറ്റിനെയും തുടർന്നാണ് വീട് ഇടിഞ്ഞു വീണത്. സംഭവസമയത് കുട്ടികളടക്കം വീടിനുള്ളിൽ ഉണ്ടായിരുന്നു. ഓടിമാറിയതിനാൽ വലിയ ദുരന്തം ഒഴിവായി. ന്യുനമർദ്ദം ശക്തിപ്രാപിച്ചതിനാൽ അതിശക്തമായ മഴയാണ് മലയോരമേഖലയിൽ ഉണ്ടാവുന്നത്. ശക്തമായ മഴയെത്തുടർന്ന് ധാരാളം നാശനഷ്ടങ്ങളും ഉണ്ടാവുന്നുണ്ട്.
മഴയിൽ വീടിൻ്റെ അടുക്കള ഭാഗമാണ് ആദ്യം തകർന്നു വീണത്. ഉടനെ തന്നെ വീട്ടുകാർ ഓടിമാറുകയായിരുന്നു. തുടർന്ന് വീട് മുഴുവനോടെ ഇടിഞ്ഞുവീണു. വീട്ടിലെ ഉപകാരണങ്ങളടക്കം നശിച്ചു. ബാക്കി വരുന്ന സാധന സാമഗ്രികളുമായി ഇവർ അടുത്തുള്ള ഷെഡിലേക്ക് മാറിയിരിക്കുകയാണ്.
