പെരുമഴയത്തും പതറാതെ ടൊവിനോയും സംഘവും, ബോക്സ് ഓഫീസിൽ തീയായി ‘നരിവേട്ട’; കളക്ഷൻ റിപ്പോർട്ട്

ഇതോടെ ചിത്രം ബേസിൽ ജോസഫ് ചിത്രം പൊൻമാൻ നേടിയ 10.15 കളക്ഷനെ മറികടന്നു

ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത പുതിയ ചിത്രം ‘നരിവേട്ട’ തിയേറ്ററുകളിലെത്തിയിരിക്കുകയാണ്. പൊളിറ്റിക്കല്‍ സോഷ്യോ ത്രില്ലറായ ‘നരിവേട്ട’യ്ക്ക് എങ്ങും വൻ സ്വീകാര്യതയാണ് ലഭിക്കുന്നത്. ഇപ്പോഴിതാ ചിത്രത്തിന്റെ ഇതുവരെയുള്ള ബോക്സ് ഓഫീസ് കളക്ഷൻ റിപ്പോർട്ട് പുറത്തുവന്നിരിക്കുകയാണ്.

മെയ് 24 ന് റിലീസ് ചെയ്ത സിനിമ ഇതുവരെ ആഗോള ബോക്സ് ഓഫീസിൽ നിന്നും നേടിയിരിക്കുന്നത് 20.23 കോടിയാണെന്നാണ് ബോളിവുഡ് ട്രാക്കിങ് വെബ്സൈറ്റ് ആയ കോയ്മോയ്‌ റിപ്പോർട്ട് ചെയ്യുന്നത്. ഇന്ത്യയിൽ നിന്ന് ഇതുവരെ നരിവേട്ട നേടിയത് 12.63 കോടി ഗ്രോസ് കളക്ഷൻ ആണ്. 7.60 കോടിയാണ് സിനിമയുടെ ഓവർസീസ് മാർക്കറ്റിൽ നിന്നുള്ള നേട്ടം. ഇതോടെ ചിത്രം ബേസിൽ ജോസഫ് ചിത്രം പൊൻമാൻ നേടിയ 10.15 കളക്ഷനെ മറികടന്നു.

ടൊവിനോ തോമസിനൊപ്പം സുരാജ് വെഞ്ഞാറമൂട്, ചേരൻ എന്നിവരും സിനിമയിലെ പ്രധാന വേഷങ്ങളിലെത്തുന്നുണ്ട്. ടൊവിനോ തോമസ്, വർഗീസ് പീറ്റർ എന്ന പൊലീസ് കോൺസ്റ്റബിളിനെ അവതരിപ്പിക്കുമ്പോൾ സുരാജ് ഹെഡ് കോൺസ്റ്റബിൾ ബഷീർ അഹമ്മദ് എന്ന കഥാപാത്രത്തേയും ചേരൻ ഡിഐജി രഘുറാം കേശവ് എന്ന കഥാപാത്രത്തെയും അവതരിപ്പിക്കുന്നു. ചേരൻ്റെ ആദ്യ മലയാള സിനിമയാണ് നരിവേട്ട