ചെന്നൈ: ചെന്നൈ വിമാനത്താവളത്തിൽ നിന്നിറങ്ങിയ വയോധികൻ ലഗേജിനായി കാത്തിരിക്കുന്നതിനിടെ കുഴഞ്ഞുവീണ് മരിച്ചു.
തമിഴ്നാട് തിരുവണ്ണാമലൈ സ്വദേശിയായ ടി രാമാനുജലു (79) ആണ് മരിച്ചത്. വിദേശത്തുള്ള മകനെ സന്ദർശിച്ച ശേഷം പുലർച്ചെ 2.30നാണ് അദ്ദേഹം വിമാനമിറങ്ങിയത്.
തുടർന്ന് ടെർമിനലിൽ എത്തിയ ശേഷം കൺവെയർ ബെൽറ്റിന് സമീപം വന്ന സമയത്ത് ലഗേജ് എത്തിയിരുന്നില്ല. അതിനായി അവിടെ കാത്തുനിൽക്കുമ്പോഴാണ് ശാരീരിക അസ്വാസ്ഥ്യമുണ്ടായത്.
തൊട്ടുപിന്നാലെ കുഴഞ്ഞു വീണു. ഉടൻ തന്നെ വിമാനത്താവളത്തിലെ ആരോഗ്യ വിഭാഗത്തിൽ എത്തിച്ചെങ്കിലും മരണം സംഭവിച്ചതായി സ്ഥിരീകരിക്കുകയായിരുന്നു.
